Sams 67 - Pijin Bible

(Toktok go long God.)

¹ God, plis yu sore kam long mifala, an blesim mifala. Plis yu gohed fo luk kam long mifala, an kaen long mifala,

² Sapos olsem, evriwan long wol bae i save long wanem yu laekem. Ya, mekem evri pipol long evri narafala kantri bae i save long wei wea yu sevem olketa.

³ God, hemi gud tumas sapos olketa pipol i preisim yu. Ya, hemi gud tumas sapos olketa evriwan i preisim yu.

⁴ Hemi gud tumas sapos olketa pipol blong evri kantri i hapi an singsing, bikos yu jajem evri pipol long stretfala wei, an yu lidim olketa pipol long evri kantri long wol.

⁵ God, hemi gud tumas sapos olketa pipol i preisim yu. Ya, hemi gud tumas sapos olketa evriwan i preisim yu.

(Toktok go long olketa pipol.)

⁶ God wea yumi wosipim ya, hemi blesim yumi, an hemi mekem graon fo hemi garem plande kaikai fo yumi.

⁷ Hemi barava blesim yumi, so hemi gud tumas fo evri pipol long evri ples i tinghae long hem. (Singsing blong Deved.)