Sams 131 - Pijin Bible

(Toktok go long God.)

¹ Lod Yawe, mi lusim finis evri praod wei blong mi, an mi lusim tu olketa praod toktok blong mi. Mi no trae fo duim olketa samting wea hemi had tumas fo mi duim, an fo save long olketa samting wea hemi had tumas fo mi save long hem.

² Distaem mi barava hapi an tingting blong mi hemi kuaet nao, olsem pikinini wea hemi leidaon kuaet nomoa insaet long am blong mami blong hem.

(Toktok go long olketa pipol.)

³ Stat distaem, yumi olketa pipol blong Israel mas trastem Yawe olowe nao. (Olketa singim disfala singsing taem olketa goap fo fist long Jerusalem.)