Sams 126 - Pijin Bible

(Toktok go long olketa pipol.)

¹ Taem wea Yawe hemi tekem yumi kambaek long Saeon, hemi olsem nomoa wanfala drim.

² Long taem ya, yumi la-laf an singsing, bikos yumi barava hapi tumas, an olketa pipol long olketa narafala kantri i tok olsem long taem ya, “Yawe nao hemi duim olketa bikfala samting fo helpem olketa.”

³ Hemi tru nao wea hemi bin duim olketa bikfala samting fo helpem yumi. Hem nao yumi barava hapi fogud.

(Toktok go long God.)

⁴ Lod Yawe, olsem wea ren hemi fulumapem moa olketa smolfala riva wea i drae finis, plis yu mekem laef blong mifala fo gudbaek moa.

⁵ Olketa hu i sore an krae taem olketa plantem kaikai long gaden blong olketa, mi laekem olketa fo hapi tumas taem olketa tekem kaikai long gaden.

⁶ Olketa pipol hu i sore an krae taem olketa karim go sid fo plantem long gaden, bae olketa hapi fogud an singsing taem olketa tekem kam kaikai from gaden long barava taem wea kaikai hemi redi. (Singsing blong Solomon. Olketa singim disfala singsing taem olketa goap fo fist long Jerusalem.)