Sams 123 - Pijin Bible

(Toktok go long God.)

^1-2 Lod Yawe, God blong mifala, taem mi lukap go long yu long heven, mi lukim dat yu sidaon long tron blong yu an yu rul ovarem disfala wol. Bae mifala gohed fo lukap go long yu go-go kasem taem wea yu sore kam long mifala. Ya, mifala olsem wanfala wakaman o wakamere wea hemi luk go long masta blong hem fo helpem hem.

³ Lod Yawe, plis yu sore kam long mifala, bikos mifala barava les tumas long olketa pipol hu i mekfan long mifala.

⁴ Fo longtaem tumas nao, olketa risman i bin tokspoelem mifala. Ya, olketa hu i praod tumas i bin mekem mifala safa tumas. (Olketa singim disfala singsing taem olketa goap fo fist long Jerusalem.)