Provebs 21 - Pijin Bible

¹ Olsem Yawe hemi mekem riva ran long ples hemi laekem, hemi save kontrolem tingting blong lida.

² Maet man hemi tingim wei blong hem i stret nomoa, bat Yawe hemi skelem wanem man hemi laekem.

³ Man duim wanem hemi stret an gud, hemi moabeta long Yawe winim man mekem sakrifaes.

⁴ Wei fo bikhed, an haat praod tumas, tufala nogud samting ya i olsem laet blong ravis pipol.

⁵ Man waka had, bae hemi ris, man hemi hariap nating, bae hemi pua.

⁶ Bikfala seleni wea man garem long laea toktok, hemi lelebet smok nomoa an man save dae long hem.

⁷ Wei fo faet wea ravis man falom, bae spoelem hem, bikos hemi les fo duim eni stretfala samting.

⁸ Wei blong man nogud i laea. Wei blong gudfala man i stret.

⁹ Hemi moabeta yu stap seleva antap long haos olowe, winim yu stap tugeta wetem waef hu hemi raoa olowe.

¹⁰ Ravis man laekem tumas ravis wei, hemi nating kaen long wantok.

¹¹ Wipim man hu i mekfan long pipol, an man i no garem save bae lanem waes tingting. Tokstrong long waesman, an bae hemi garem moa save.

¹² God hu hemi stret tumas, hemi luksave long olketa nogud pipol, bae hemi panisim olketa.

¹³ Yu no herem olketa pua pipol, no eniwan bae herem yu.

¹⁴ Presen wea man givimhaed, hemi save stopem kros. Nila wea hemi haed, hem tu save finisim bikfala kros.

¹⁵ Taem kot i jajem man long stretfala wei, olketa gudfala pipol i hapi tumas, olketa nogud pipol i fraet tumas.

¹⁶ Man lusim rod fo kasem save, bae hem kasem ples blong man i dae.

¹⁷ Man laek fo hapi nomoa, bae hemi pua. Man laekem pati olowe, bae hemi no save ris.

¹⁸ Ravis pipol bae garem trabol wea olketa mekem long stretfala pipol. Nogud pipol bae garem panis bat gudfala pipol nomoa.

¹⁹ I moabeta yu stap olowe long drae eria, winim yu stap tugeta wetem waef hu hemi kros an raoa olowe.

²⁰ Waesman garem plande gudfala samting long haos, krangge man finisim evrisamting.

²¹ Man falom wei fo lav an wei fo kaen, hemi kasem gudfala laef an biknem.

²² Waesman save winim taon blong olketa strongman long faet, hemi save brekemdaon wolston wea olketa trastem.

²³ Lukaotem toktok blong yu, trabol no kasem yu.

²⁴ Man praod tumas an tokspoelem pipol, nem blong hem, “bikhed”.

²⁵ Lesibon bae dae long samting hemi laekem tumas, bikos hemi les fo waka.

²⁶ Olowe Lesibon wande fo tekem enikaen samting. Bat olowe stretfala man hemi wande fo givim enikaen samting.

²⁷ God hemi les long sakrifaes blong ravis man. Hemi les moa sapos man mekem taem i garem ravis tingting.

²⁸ Man laea long kot, bae hemi dae. Man toktru long kot, bae hemi laef.

²⁹ Ravis man hemi tok nating. Stretfala man hemi tingabaotem wanem hem duim.

³⁰ Waes tingting, gudfala save, an nambawan plan, trifala evriwan no save win agensim Yawe.

³¹ Man mekem redi olketa hos fo go faet, bat Yawe nomoa save mekem man win.