Provebs 12 - Pijin Bible

¹ Yu laekem man fo stretem yu, yu nao laekem save. Yu les long man fo stretem yu, yu nao krangge.

² Yawe helpem evri stretfala man, hemi agensim evri konman.

³ Pipol no save kamap strong long ravis wei, bat stretfala pipol stap strong olowe.

⁴ Nambawan wei blong woman, hemi olsem biknem blong hasban blong hem. Ravis wei blong woman, hemi olsem bikfala sik long hasban blong hem.

⁵ Stret man mekem stretfala plan, ravis man givim ravis advaes.

⁶ Toktok blong ravis man, i kilim pipol dae, toktok blong stret man, i sevem olketa.

⁷ Evri nogud man bae i lus, no eniwan bae stap. Evri gud man bae stap an laen blong hem bae kamap plande fogud.

⁸ Pipol tokhae long man hemi waes, bat tokdaon long man hu hemi garem ravis tingting.

⁹ Fo waka an garem kaikai, hemi moabeta winim biknem bat hanggre.

¹⁰ Gudfala man hemi lukaftarem olketa animol blong hem. Nogud man hemi mekem olketa safa.

¹¹ Man hemi waka had hemi garem plande kaikai, man hemi westem taem no garem gud tingting.

¹² Ravis man hemi laekem ravis wei nomoa, bat stret man bae hemi stanap strong olowe.

¹³ Nogud tok blong nogud man bae hemi kasholem hem, bat trabol no save kasem stret man.

¹⁴ Evri gud toktok mekem man gud, olsem frut long hadwaka blong hem.

¹⁵ Krangge man tingse hemi stret nomoa, bat waes man hemi herem advaes.

¹⁶ Krangge man save kros kuiktaem, bat stret man hemi no wari long nogud toktok.

¹⁷ Stret man talem tru toktok long kot, konman hemi laea nomoa.

¹⁸ Nogud toktok kat olsem sap naef, waes toktok mekem man helti.

¹⁹ Tru toktok stap olowe, Laea toktok stap olsem yu satae.

²⁰ Laea stap long haat blong man i mekem ravis plan, bat hapi stap long haat blong man i mekem piis.

²¹ Stret man, trabol no save kasem hem, nogud man, bae trabol olowe.

²² Yawe les long man fo laea, hemi hapi long man fo tok tru.

²³ Man wea hemi garem gud tingting, hemi no tok enikaen. Krangge man, tok enikaen tumas.

²⁴ Man hemi waka had, bae hemi kamap bos. Man hemi les, bae hemi kamap slev.

²⁵ Haat hemi wari, man hemi hevi, bat gud toktok save liftimap tingting blong hem.

²⁶ Stret man bae lidim wantok blong hem, nogud wei bae lidim man fo gorong.

²⁷ Man hemi liu, bae hemi no garem enisamting, man hemi waka, bae hemi garem plande samting.

²⁸ Stretfala wei hemi rod fo laef, falom gudfala rod ya fo laef olowe.