Nehemaea 7 - Pijin Bible

¹ Taem wolston ya hemi finis, an mifala hangem olketa doa long olketa geit blong hem, mi siusim olketa Livaet wea samfala i sekiuriti blong olketa geit, an samfala i long kuaea blong Tambuhaos ya, an samfala i wakaman long Tambuhaos.

² An mi siusim brata blong mi Hanani, wetem Hananaea hu hemi komanda long strongfala sefples long taon ya, mekem tufala lukaftarem taon long Jerusalem. Mi siusim Hananaea ya bikos hemi man wea pipol save trastem, an hemi barava tinghae long God, winim plande narafala pipol.

³ Mi tok olsem long tufala, “Olketa geit mas sat go kasem taem wea san hemi kam antap gud fastaem. An long ivining, taem olketa sekiuriti i stap yet long olketa geit, olketa mas satem olketa geit ya an lokem bifoa san hemi godaon. Yutufala mas siusim samfala man blong taon ya moa fo sekiuriti, wea samfala long olketa bae i gad long olketa spesol ples long taon ya, an samfala bae i gad nomoa kolsap long olketa haos blong olketa.”

List blong olketa hu kambaek from Babilonia

⁴ Jerusalem hemi wanfala bikfala taon, bat long datfala taem, hemi no garem plande pipol wea i stap long hem, an olketa no wakembaek moa plande haos tu long hem.

⁵ From samting ya nao, God hemi putum wanfala tingting insaet long maen long mi, fo mi kolem kam olketa bikman wetem olketa lida an olketa narafala pipol fo hipap kam tugeta, mekem mi sekemap olketa famili blong olketa long rekod wea nem blong olketa olo long bifoa i stap long hem. Mi faendem buk ya wea nem blong olketa faswan fo kambaek from Babilonia i stap long hem. Ripot wea hemi stap long disfala buk ya, hemi olsem:

⁶ Hem ya nao nem blong olketa pipol blong disfala provins wea ami blong King Nebukadnesa hemi bin fosim olketa fo lusim lan blong olketa an go stap long Babilonia. Olketa ya i kambaek long barava ples blong olketa long Jerusalem an olketa narafala ples long Jiuda.

⁷ Olketa man hu i lidim olketa ya fo gobaek, nem blong olketa i olsem: Serababel, an Jesua, an Nehemaea, an Asaraea, an Raamaea, an Nahamani, an Modekae, an Bilsan, an Mispa, an Bigvae, an Rehum, an Baana. An olketa pipol long olketa laen blong Israel wea i gobaek, list blong olketa laen wetem namba blong olketa pipol ya hemi olsem:

⁸ Long laen blong Paros: 2,172.

⁹ Long laen blong Sefataea: 372.

¹⁰ Long laen blong Ara: 652.

¹¹ Long laen blong Pahat-Moab, wea i bon kam long tufala laen long Jesua an Joab: 2,818.

¹² Long laen blong Elam: 1,254.

¹³ Long laen blong Satu: 845.

¹⁴ Long laen blong Sakae: 760.

¹⁵ Long laen blong Binui: 648.

¹⁶ Long laen blong Bebae: 628.

¹⁷ Long laen blong Asgad: 2,322.

¹⁸ Long laen blong Adonikam: 667.

¹⁹ Long laen blong Bigvae: 2,067.

²⁰ Long laen blong Adin: 655.

²¹ Long laen blong Ata, wea narafala nem blong hem nao Hesekaea: 98.

²² Long laen blong Hasum: 328.

²³ Long laen blong Besae: 324.

²⁴ Long laen blong Harif: 112.

²⁵ Long laen blong Gibeon: 95.

²⁶ An olketa narafala pipol wea i gobaek, list blong olketa taon wea olketa bin stap long olketa bifoa wetem namba blong olketa pipol ya, hemi olsem: Blong Betlehem an Netofa: 188.

²⁷ Blong Anatot: 128.

²⁸ Blong Bet-Asmavet: 42.

²⁹ Blong Kiriat-Jearim, an Kefira, an Beerot: 743.

³⁰ Blong Rama an Geba: 621.

³¹ Blong Mikmas: 122.

³² Blong Betel an Ai: 123.

³³ Blong narafala Nebo: 52.

³⁴ Blong narafala Elam: 1,254.

³⁵ Blong Harim: 320.

³⁶ Blong Jeriko: 345.

³⁷ Blong Lod, an Hadid, an Ono: 721.

³⁸ Blong Sena: 3,930.

³⁹ Olketa long olketa laen blong olketa prist wea i gobaek, list blong olketa laen wetem namba blong olketa pipol ya hemi olsem: Long laen blong Jedaea wea i bon kam long famili blong Jesua: 973.

⁴⁰ Long laen blong Ima: 1,052.

⁴¹ Long laen blong Pasuru: 1,247.

⁴² Long laen blong Harim: 1,017.

⁴³ Olketa Livaet long laen blong Jesua, an long laen blong Kadmiel wea i bon kam long laen blong Hodavaea, namba blong olketa nao hemi kasem 74.

⁴⁴ Olketa Livaet long kuaea blong Tambuhaos, wea i long laen blong Asaf, namba blong olketa nao hemi kasem 148.

⁴⁵ Olketa Livaet hu i sekiuriti long olketa geit blong Tambuhaos, wea i long olketa laen blong Salum, an Ata, an Talmon, an Akub, an Hatita, an Sobae, namba blong olketa nao hemi kasem 138.

⁴⁶ Olketa Livaet hu i wakaman long Tambuhaos, olketa bon kam long olketa laen blong Siha, an Hasufa, an Tabaot,

⁴⁷ an Keros, an Sia, an Padon,

⁴⁸ an Lebana, an Hagaba, an Salmae,

⁴⁹ an Hanan, an Gidel, an Gaha,

⁵⁰ an Reaea, an Resin, an Nekoda,

⁵¹ an Gasam, an Usa, an Pasea,

⁵² an Besae, an Meunim, an Nefisisim,

⁵³ an Bakbuk, an Hakufa, an Haahua,

⁵⁴ an Baslit, an Mehida, an Hasa,

⁵⁵ an Bakos, an Sisera, an Tema,

⁵⁶ an Nesaea, an Hatifa.

⁵⁷ An olketa long laen blong olketa wakaman blong King Solomon bifoa, olketa bon kam long olketa laen blong Sotae, an Soferet, an Perida

⁵⁸ an Jaala, an Dakon, an Gidel,

⁵⁹ an Sefataea, an Hatil, an Pokeret-Hasebaem, an Amon.

⁶⁰ Olketa long laen blong olketa wakaman long Tambuhaos wetem olketa long laen blong olketa wakaman blong King Solomon bifoa, namba blong olketa nao hemi kasem 392.

⁶¹ Samfala pipol hu i gobaek from Babilonia i blong olketa laen wea i bin stap bifoa long olketa taon long Tel-Mela, an Tel-Hasa, an Kerub, an Adon, an Ima. Bat olketa pipol ya no save somaot dat olketa barava long olketa laen blong Israel.

⁶² Olketa ya i bon kam long olketa laen blong Delaea, an Tobaea, an Nekoda, an namba blong olketa nao hemi kasem 642.

⁶³ An samfala prist tu i gobaek from Babilonia, wea i bon kam long olketa laen blong Hobaea, an Hakos, an Basilae. Disfala Basilae hemi bin maritim wanfala dota blong wanfala man wea nem blong hem nao Basilae blong Gilead, so hemi bin tekem nem blong dadi inlo ya.

⁶⁴ Nao olketa prist ya i lukaotem rekod fo somaot dat olketa barava long olketa laen ya, bat olketa kanduit faendem. So olketa bikman blong olketa prist i no alaom olketa ya fo waka olsem prist.

⁶⁵ An gavna blong provins tu hemi stopem olketa fo no kaikaim olketa tambu kaikai long Tambuhaos, go-go kasem taem wea wanfala prist hu hemi save yusim tufala samting ya Urim an Tumim, save faendemaot tingting blong God abaotem olketa.

⁶⁶ Namba blong olketa evriwan hu i kambaek from Babilonia, hemi kasem 42,360.

⁶⁷ An olketa tekem kam 7,337 wakaman an wakamere, an 245 man an woman fo mekem miusik.

⁶⁸ Olketa tekem kam tu samfala animol, wea list blong olketa wetem namba blong olketa hemi olsem: olketa hos: 736 olketa hafkas hos: 245

⁶⁹ olketa kamel: 435 olketa dongki: 6,720.

⁷⁰ Samfala long olketa hed blong olketa laen i givim seleni an olketa narafala samting fo helpem olketa waka ya. Gavna ya hemi givim eit an haf kilo gol, an fifti besin, an 530 spesol kaleko fo olketa prist.

⁷¹ Olketa narafala hed blong olketa famili i givim 170 kilo gol, an 1,200 kilo silva.

⁷² An olketa narafala pipol i givim 170 kilo gol, an 1,100 kilo silva, an 67 spesol kaleko fo olketa prist.

⁷³ Olketa prist, an olketa Livaet, an olketa sekiuriti long olketa geit blong Tambuhaos, an olketa long kuaea blong Tambuhaos, an olketa wakaman blong Tambuhaos, olketa ya wetem olketa narafala pipol i gobaek long olketa ples wea laen blong olketa bin stap long hem bifoa. Long taem wea hemi kolsap kasem mekseven mans blong yia ya, olketa long laen blong Israel i stap gud long olketa vilij blong olketa moa.