Esra 2 - Pijin Bible

List long nem blong olketa pipol hu i gobaek

¹ Hem ya nao nem blong olketa pipol blong disfala provins wea ami blong King Nebukadnesa bin fosim olketa fo lusim lan blong olketa an go stap long Babilonia. Olketa ya i kambaek long barava ples blong olketa long Jerusalem an olketa narafala ples long Jiuda.

² Olketa man hu i lidim olketa ya fo gobaek, nem blong olketa i olsem: Serababel, an Jesua, an Nehemaea, an Seraea, an Reelaea, an Modekae, an Bilsan, an Mispa, an Bigvae, an Rehum, an Baana. An olketa pipol long olketa laen blong Israel wea i gobaek, list blong olketa laen wetem namba blong olketa pipol ya hemi olsem:

³ Long laen blong Paros: 2,172.

⁴ Long laen blong Sefataea: 372.

⁵ Long laen blong Ara: 775.

⁶ Long laen blong Pahat-Moab, wea i bon kam long tufala laen long Jesua an Joab: 2,812.

⁷ Long laen blong Elam: 1,254.

⁸ Long laen blong Satu: 945.

⁹ Long laen blong Sakae: 760.

¹⁰ Long laen blong Bani: 642.

¹¹ Long laen blong Bebae: 623.

¹² Long laen blong Asgad: 1,222.

¹³ Long laen blong Adonikam: 666.

¹⁴ Long laen blong Bigvae: 2,056.

¹⁵ Long laen blong Adin: 454.

¹⁶ Long laen blong Ata, wea narafala nem blong hem nao Hesekaea: 98.

¹⁷ Long laen blong Besae: 323.

¹⁸ Long laen blong Jora: 112.

¹⁹ Long laen blong Hasum: 223.

²⁰ Long laen blong Giba: 95.

²¹ An olketa narafala pipol wea i gobaek, list blong olketa taon wea olketa bin stap long olketa bifoa wetem namba blong olketa pipol ya, hemi olsem: Blong Betlehem: 123.

²² Blong Netofa: 56.

²³ Blong Anatot: 128.

²⁴ Blong Asmavet: 42.

²⁵ Blong Kiriat-Jearim, an Kefira, an Beerot: 743.

²⁶ Blong Rama an Geba: 621.

²⁷ Blong Mikmas: 122.

²⁸ Blong Betel an Ai: 223.

²⁹ Blong Nebo: 52.

³⁰ Blong Magbis: 156.

³¹ Blong narafala Elam: 1,254.

³² Blong Harim: 320.

³³ Blong Lod, an Hadid, an Ono: 725.

³⁴ Blong Jeriko: 345.

³⁵ Blong Sena: 3,630.

³⁶ Olketa long olketa laen blong olketa prist wea i gobaek, list blong olketa laen wetem namba blong olketa pipol ya hemi olsem: Long laen blong Jedaea wea i bon kam long famili blong Jesua: 973.

³⁷ Long laen blong Ima: 1,052.

³⁸ Long laen blong Pasuru: 1,247.

³⁹ Long laen fo blong Harim: 1,017.

⁴⁰ Olketa Livaet long laen blong Jesua, an long laen blong Kadmiel wea i bon kam long laen blong Hodavaea, namba blong olketa nao hemi kasem 74.

⁴¹ Olketa Livaet long kuaea blong Tambuhaos, wea i long laen blong Asaf, namba blong olketa nao hemi kasem 128.

⁴² Olketa Livaet hu i sekiuriti long olketa geit blong Tambuhaos, wea i long olketa laen blong Salum, an Ata, an Talmon, an Akub, an Hatita, an Sobae, namba blong olketa nao hemi kasem 139.

⁴³ Olketa Livaet hu i wakaman long Tambuhaos, olketa bon kam long olketa laen blong Siha, an Hasufa, an Tabaot,

⁴⁴ an Keros, an Siaha, an Padon,

⁴⁵ an Lebana, an Hagaba, an Akub,

⁴⁶ an Hagab, an Salmae, an Hanan,

⁴⁷ an Gidel, an Gaha, an Reaea,

⁴⁸ an Resin, an Nekoda, an Gasam,

⁴⁹ an Usa, an Pasea, an Besae,

⁵⁰ an Asna, an Meunim, an Nefisim,

⁵¹ an Bakbuk, an Hakufa, an Haahua,

⁵² an Baslut, an Mehida, an Hasa,

⁵³ an Bakos, an Sisera, an Tema,

⁵⁴ an Nesaea, an Hatifa.

⁵⁵ An olketa long laen blong olketa wakaman blong King Solomon bifoa, olketa bon kam long olketa laen blong Sotae, an Hasoferet, an Peruda

⁵⁶ an Jaala, an Dakon, an Gidel,

⁵⁷ an Sefataea, an Hatil, an Pokeret-Hasebaem, an Ami.

⁵⁸ Olketa long laen blong olketa wakaman long Tambuhaos wetem olketa long laen blong olketa wakaman blong King Solomon bifoa, namba blong olketa nao hemi kasem 392.

⁵⁹ Samfala pipol hu i gobaek from Babilonia i blong olketa laen wea i bin stap bifoa long olketa taon long Tel-Mela, an Tel-Hasa, an Kerub, an Adon, an Ima. Bat olketa pipol ya no save somaot dat olketa barava long olketa laen blong Israel.

⁶⁰ Olketa ya i bon kam long olketa laen blong Delaea, an Tobaea, an Nekoda, an namba blong olketa nao hemi kasem 652.

⁶¹ An samfala prist tu i gobaek from Babilonia, wea i bon kam long olketa laen blong Hobaea, an Hakos, an Basilae. (Disfala Basilae hemi bin maritim wanfala dota blong wanfala man wea nem blong hem nao Basilae blong Gilead, so hemi bin tekem nem blong dadi inlo ya.)

⁶² Nao olketa prist ya i lukaotem rekod fo somaot dat olketa barava long olketa laen ya, bat olketa kanot faendem. So olketa bikman blong olketa prist i no alaom olketa ya fo waka olsem prist.

⁶³ An gavna blong provins tu hemi stopem olketa fo no kaikaim olketa tambu kaikai long Tambuhaos, go-go kasem taem wea wanfala prist hu hemi save yusim Urim an Tumim, hemi save faendemaot tingting blong God abaotem olketa.

⁶⁴ Namba blong olketa evriwan hu i kambaek from Babilonia, hemi kasem 42,360.

⁶⁵ An olketa tekem kam 7,337 wakaman an wakamere, an 200 man an woman fo mekem miusik.

⁶⁶ Olketa tekem kam tu samfala animol, wea list blong olketa wetem namba blong olketa hemi olsem: olketa hos: 736 olketa hafkas hos: 245

⁶⁷ olketa kamel: 435 olketa dongki: 6,720.

⁶⁸ Taem olketa pipol ya i kasem Jerusalem, olketa go long disfala ples wea Tambuhaos blong Yawe hemi stap long hem bifoa. Nao samfala hed long laen blong olketa i givim spesol ofaring falom wanem olketa laekem, fo helpem olketa bildimbaek moa Tambuhaos ya long ples blong hem.

⁶⁹ Olketa givim olketa ofaring ya falom haomas seleni nao olketa garem, an hemi kasem 500 kilo long gol, an 2,800 kilo long silva, an 100 nambawan kaleko fo olketa prist.

⁷⁰ Olketa prist, an olketa Livaet, an olketa long kuaea blong Tambuhaos, an olketa sekiuriti long olketa geit blong Tambuhaos, an olketa wakaman blong Tambuhaos, olketa ya wetem olketa narafala pipol i gobaek long olketa ples wea laen blong olketa bin stap long hem bifoa.