1 Kronikols 6 - Pijin Bible

Olketa laen blong Livae

¹ Livae hemi garem trifala san wea nem blong trifala, Geson, an Kohat, an Merari.

² Kohat hemi garem fofala san wea nem blong olketa, Amram, an Isaha, an Hebron, an Usiel.

³ Amram hemi garem tufala san wea nem blong tufala, Eron an Mosis. An hemi garem wanfala dota wea nem blong hem Miriam. Eron hemi garem fofala san wea nem blong fofala, Nadab, an Abihu, an Eleasa, an Itama.

⁴ Eleasa hemi bonem Finehas, an Finehas hemi bonem Abisua.

⁵ Abisua hemi bonem Buki, an Buki hemi bonem Usi.

⁶ Usi hemi bonem Serahaea, an Serahaea hemi bonem Meraeot.

⁷ Meraeot hemi bonem Amaraea, an Amaraea hemi bonem Ahitub.

⁸ Ahitub hemi bonem Sadok, an Sadok hemi bonem Ahimaas.

⁹ Ahimaas hemi bonem Asaraea, an Asaraea hemi bonem Johanan.

¹⁰ Johanan hemi bonem Asaraea. Asaraea ya hemi hae prist long Tambuhaos wea King Solomon hemi bildim long Jerusalem.

¹¹ Asaraea hemi bonem Amaraea, an Amaraea hemi bonem Ahitub.

¹² Ahitub hemi bonem Sadok, an Sadok hemi bonem Salum.

¹³ Salum hemi bonem Hilkaea, an Hilkaea hemi bonem Asaraea.

¹⁴ Asaraea hemi bonem Seraea, an Seraea hemi bonem Jehosadak.

¹⁵ Jehosadak hemi lusim Jerusalem taem Yawe hemi mekem olketa pipol blong Jerusalem an Jiuda goaot from lan blong olketa. Hem nao long taem King Nebukadnesa hemi fosim olketa go long Babilonia.

¹⁶ Livae hemi garem trifala san wea nem blong trifala, Geson, an Kohat, an Merari.

¹⁷ Geson hemi garem tufala san wea nem blong tufala, Libni an Simei.

¹⁸ Kohat hemi garem fofala san wea nem blong tufala, Amram, an Isaha, an Hebron, an Usiel.

¹⁹ Merari hemi garem tufala san wea nem blong tufala, Mali an Musi. Hem nao olketa olo long olketa laen long traeb blong Livae.

²⁰ Laen blong Geson hemi olsem: Geson hemi bonem Libni, an Libni hemi bonem Jahat, an Jahat hemi bonem Sima,

²¹ an Sima hemi bonem Joa, an Joa hemi bonem Ido, an Ido hemi bonem Sera, an Sera hemi bonem Jeaterae.

²² Laen blong Kohat hemi olsem: Kohat hemi bonem Aminadab, an Aminadab hemi bonem Kora, an Kora hemi bonem Asia,

²³ an Asia hemi bonem Elkana, an Elkana hemi bonem Ebiasaf, an Ebiasaf hemi bonem Asia,

²⁴ an Asia hemi bonem Tahat, an Tahat hemi bonem Uriel, an Uriel hemi bonem Yusaea, an Yusaea hemi bonem Saol.

²⁵ Elkana hemi bonem tufala san wea nem blong tufala, Amasae an Ahimot.

²⁶ Ahimot hemi bonem Elkana, an Elkana hemi bonem Sofae, an Sofae hemi bonem Nahat,

²⁷ an Nahat hemi bonem Eliab, an Eliab hemi bonem Jeroham, an Jeroham hemi bonem Elkana, an Elkana hemi bonem Samuel.

²⁸ Samuel hemi garem tufala san wea nem blong fasbon hemi Joel, an mektu hemi Abaeja.

²⁹ Laen blong Merari hemi olsem: Merari hemi bonem Mali, an Mali hemi bonem Libni, an Libni hemi bonem Simei, an Simei hemi bonem Usa,

³⁰ an Usa hemi bonem Simea, an Simea hemi bonem Hagaea, an Hagaea hemi bonem Asaea.

Lida blong miusik long Tambuhaos

³¹ Long taem wea King Deved hemi tekem kam Tambu Boks long Jerusalem, hemi siusim trifala man fo lidim miusik long tambuples ya.

³² Fastaem olketa lidim miusik long Tambu Haostent, bat bihaen King Solomon hemi bildim Tambuhaos blong Yawe, olketa duim waka long hem falom olketa rul blong waka ya.

^33-38 Hem ya nao trifala man hu i lidim miusik. Fas man fo lidim miusik hemi Heman. Heman hemi bon kam long laen blong Kohat, an olketa olo blong hem i olsem: Heman hemi san blong Joel. Joel hemi san blong Samuel. Samuel hemi san blong Elkana. Elkana hemi san blong Jeroham. Jeroham hemi san blong Eliel. Eliel hemi san blong Toha. Toha hemi san blong Suf. Suf hemi san blong Elkana. Elkana hemi san blong Mahat. Mahat hemi san blong Amasae. Amasae hemi san blong Elkana. Elkana hemi san blong Joel. Joel hemi san blong Asaraea. Asaraea hemi san blong Sefenaea. Sefenaea hemi san blong Tahat. Tahat hemi san blong Asia. Asia hemi san blong Ebiasaf. Ebiasaf hemi san blong Kora. Kora hemi san blong Isaha. Isaha hemi san blong Kohat. Kohat hemi san blong Livae. An Livae hemi san blong Israel.

^39-43 Nao Asaf hemi wantok blong Heman, an taem hemi waka long Tambuhaos hemi stanap long raet saet long Heman. Asaf hemi bon long laen blong Geson, an olketa olo blong hem i olsem: Asaf hemi san blong Berekaea. Berekaea hemi san blong Simea. Simea hemi san blong Maekol. Maekol hemi san blong Baasea. Baasea hemi san blong Malkaeja. Malkaeja hemi san blong Etni. Etni hemi san blong Sera. Sera hemi san blong Adaea. Adaea hemi san blong Etan. Etan hemi san blong Sima. Sima hemi san blong Simei. Simei hemi san blong Jahat. Jahat hemi san blong Geson. Geson hemi san blong Livae.

^44-47 Nao Etan hemi wantok blong Heman, an taem hemi waka long Tambuhaos hemi stanap long lef saet long Heman. Etan hemi bon long laen long Merari, an olketa olo blong hem i olsem: Etan hemi san blong Kisi. Kisi hemi san blong Adbi. Adbi hemi san blong Maluk. Maluk hemi san blong Hasabaea. Hasabaea hemi san blong Amasaea. Amasaea hemi san blong Hilkaea. Hilkaea hemi san blong Amsi. Amsi hemi san blong Bani. Bani hemi san blong Sema. Sema hemi san blong Mali. Mali hemi san blong Musi. Musi hemi san blong Merari. Merari hemi san blong Livae.

⁴⁸ An olketa narafala Livaet i garem olketa narafala waka long Tambu Haostent an long Tambuhaos.

Laen blong Eron

⁴⁹ Nao Eron an olketa long laen blong hem, olketa nomoa save bonem insens long olta fo bonem insens, an olketa nomoa save bonem olketa sakrifaes long olta fo bonem sakrifaes. Olketa ya nomoa i garem raet fo duim olketa waka insaet long Barava Tambu Rum, an fo mekem olketa sakrifaes fo tekemaot sin blong pipol blong Israel. Olketa duim olketa samting ya barava falom wanem Mosis, wakaman blong God, hemi bin talem olketa.

⁵⁰ Olketa hu i bon kam long laen blong Eron, i olsem: Eron hemi bonem Eleasa. Eleasa hemi bonem Finehas. Finehas hemi bonem Abisua.

⁵¹ Abisua hemi bonem Buki. Buki hemi bonem Usi. Usi hemi bonem Serahaea.

⁵² Serahaea hemi bonem Meraeot. Meraeot hemi bonem Amaria. Amaria hemi bonem Ahitub.

⁵³ Ahitub hemi bonem Sadok. Sadok hemi bonem Ahimaas.

Olketa taon blong traeb blong Livae

⁵⁴ Long taem wea olketa lida i givim olketa taon go long traeb blong Livae, olketa siusim laen blong Eron fo tekem lan fastaem. Eron hemi blong laen blong Kohat.

^55-59 Nao taon long Hebron long Jiuda an lan raonem hem, olketa lida i givim go long laen blong Eron. Hebron hemi wanfala taon fo haed. Bat olketa lan blong gaden, an olketa vilij wea i stap kolsap long Hebron, olketa givim go long Kelab hu hemi san blong Jefune. Nao nem blong olketa narafala taon long distrik blong Jiuda wea olketa givim go long laen blong Eron i olsem: Libna, an Jatia, an Estemoa, an Hilen, an Debia, an Asan, an Juta, an Bet-Semes. Olketa bin givim olketa taon wetem olketa lan raonem olketa.

⁶⁰ An long distrik blong Benjamin, nem blong olketa taon wea olketa givim go long olketa i olsem: Gibeon, an Geba, an Alemet, an Anatot wetem olketa lan raonem olketa taon ya. Hem nao tetin taon wea olketa givim go long laen blong Kohat hu i bon kam long laen blong Eron.

⁶¹ Nao tenfala taon long distrik blong Manase long west saet long Jodan Riva, olketa givim go long olketa narafala laen blong Kohat.

⁶² An olketa givim go tetin taon long olketa laen blong Geson. Olketa taon ya i long distrik blong Isaka, an long distrik blong Asa, an long distrik blong Naftali, an long distrik blong Manase long Basan.

⁶³ An olketa givim go tuelfala taon long olketa laen blong Merari. Olketa taon ya i long distrik blong Ruben, an long distrik blong Gad, an long distrik blong Sebulun.

⁶⁴ Long wei ya nao, olketa pipol blong Israel i givim olketa taon an olketa lan raonem olketa long traeb blong Livae.

⁶⁵ Evri taon wea olketa givim long traeb blong Livae, olketa yusim tufala spesol ston fo siusim olketa taon ya. Olketa duim semsamting tu long olketa taon long distrik blong Jiuda, an long distrik blong Simion, an long distrik blong Benjamin.

⁶⁶ Nao olketa givim go olketa taon long samfala narafala laen blong Kohat. Olketa taon ya wetem lan raonem olketa i long distrik blong Efrem.

⁶⁷ Olketa garem Sekem, disfala taon fo haed wea hemi stap long olketa maonten long distrik blong Efrem. An olketa garem Gesa,

⁶⁸ an Jokmeam, an Bet-Horon,

⁶⁹ an Aejalon, an Gat-Rimon.

⁷⁰ An long distrik blong Manase long west saet long Jodan Riva, olketa garem tufala taon olsem, Anea an Bileam wetem lan raonem tufala.

⁷¹ Nao olketa givim go olketa taon wetem lan raonem olketa long laen blong Geson. Long distrik blong Manase long ist saet long Jodan Riva, olketa garem tufala taon olsem: Golan long Basan, an Astarot.

⁷² An long distrik blong Isaka, olketa garem fofala taon wetem lan raonem olketa olsem: Kedes, an Daberat,

⁷³ an Ramot, an Anem.

⁷⁴ An long distrik blong Asa, olketa garem fofala taon wetem lan raonem olketa olsem: Masal, an Abdon,

⁷⁵ an Hukok, an Rehob.

⁷⁶ An long distrik blong Naftali, olketa garem trifala taon wetem lan raonem olketa olsem: Kedes long Galili, an Hamon, an Kiriataem.

⁷⁷ Nao olketa givim go olketa taon wetem lan raonem olketa long olketa narafala laen blong Merari. Long distrik blong Sebulun, olketa garem tufala taon olsem: Rimono an Teboa.

⁷⁸ Long distrik blong Ruben, narasaet go long taon long Jeriko long ist saet long Jodan Riva, olketa garem fofala taon wetem lan raonem fofala olsem: Bese long drae eria, Jasa,

⁷⁹ an Kedemot, an Mefaat.

^80-81 An long distrik blong Gad, olketa garem olketa taon wetem lan raonem olketa olsem: Ramot long Gilead, an Mahanaem, an Hesbon, an Jasa.