1 Kronikols 3 - Pijin Bible

Olketa pikinini blong King Deved

¹ Taem King Deved hemi stap long Hebron, hemi garem siksfala pikinini boe. Fasbon hemi Amnon. Mami blong hem hemi Ahinoam, woman blong Jesreel. Mektu hemi Daniel. Mami blong hem hemi Abigeil, woman blong Kaamel.

² Mektri hemi Absalom. Mami blong hem hemi Maaka, dota blong King Talmae blong Gesua. Mekfoa hemi Adonaeja. Mami blong hem hemi Hagit.

³ Mekfaev hemi Sefataea. Mami blong hem hemi Abital. An meksiks hemi Itream. Mami blong hem hemi Egla.

⁴ Olketa siksfala boe ya i bon long Hebron long seven an haf yia wea Deved hemi king long Jiuda. Bihaen, hemi king blong Israel fo teti-tri yia long Jerusalem.

⁵ Long datfala taem, hemi garem plande pikinini moa. Waef blong hem, Batseba hu hemi dota blong Amiel, hemi bonem fofala san wea nem blong olketa: Simea, an Sobab, an Natan, an Solomon.

⁶ An Deved hemi garem naenfala san moa wea nem blong olketa, Ibha, an Elisua, an Elifelet,

⁷ an Noga, an Nefeg, an Jafia,

⁸ an Elisama, an Eliada, an Elifelet.

⁹ An i no olketa pikinini blong Deved nomoa, bat hemi garem samfala san moa wea olketa woman blong hem i bonem. An hemi garem wanfala dota tu wea nem blong hem hemi Tama.

Olketa king long laen blong King Solomon

¹⁰ Olketa king wea i bon kam long laen blong King Solomon i olsem: Solomon hemi bonem Rehoboam, an Rehoboam hemi bonem Abaeja, an Abaeja hemi bonem Asa, an Asa hemi bonem Jehosafat, an Jehosafat hemi bonem Jehoram,

¹¹ an Jehoram hemi bonem Ahasaea, an Ahasaea hemi bonem Joas, an Joas hemi bonem Amasaea,

¹² an Amasaea hemi bonem Asaraea, an Asaraea hemi bonem Jotam, an Jotam hemi bonem Ahas,

¹³ an Ahas hemi bonem Hesekaea, an Hesekaea hemi bonem Manase, an Manase hemi bonem Amon,

¹⁴ an Amon hemi bonem Josaea.

¹⁵ Josaea hemi garem fofala san olsem: Johanan hu hemi fasbon, an Jehoeakim hu hemi mektu san, an Sedekaea hu hemi mektri san, an Jehoahas hu hemi mekfoa san.

¹⁶ An Jehoeakim hemi garem tufala san wea nem blong tufala, Jehoeakin an Sedekaea.

Laen blong King Jehoeakin

¹⁷ King Jehoeakin wea olketa tekem hem go long prisin long Babilon, hemi garem sevenfala san. Olketa nao i Sealtiel,

¹⁸ an Malkiram, an Pedaea, an Senasa, an Jekamaea, an Hosama, an Nedabaea.

¹⁹ Pedaea ya hemi garem tufala san wea nem blong tufala, Serababel an Simei. An Serababel hemi garem tufala san wea nem blong tufala, Mesulam an Hananaea. An hemi garem wanfala dota wea nem blong hem Selomit.

²⁰ An hemi garem faefala narafala san wea nem blong olketa i olsem: Hasuba, an Ohel, an Berekaea, an Hasadaea, an Jusab-Hesed.

²¹ Hananaea ya hemi garem tufala san wea nem blong tufala, Pelataea an Jesaea. Nao Jesaea hemi bonem Refaea, an Refaea hemi bonem Anan, an Anan hemi bonem Obadaea, an Obadaea hemi bonem Sekanaea.

²² Sekanaea ya hemi garem wanfala san wea nem blong hem hemi Semaea. Semaea hemi garem faefala san wea nem blong olketa i olsem: Hatus, an Igal, an Baria, an Nearaea, an Safat.

²³ Nearaea ya hemi garem trifala san wea nem blong trifala, Elioenae, an Hiskaea, an Asrikam.

²⁴ Elioenae ya hemi garem sevenfala san wea nem blong olketa i olsem: Hodavaea, an Eliasib, an Pelaea, an Akub, an Johanan, an Delaea, an Anani.