1 Kronikols 2 - Pijin Bible

Olketa san blong Israel

¹ Israel hemi garem tuelfala san olsem: Ruben, an Simion, an Livae, an Jiuda, an Isaka, an Sebulun,

² an Dan, an Josef, an Benjamin, an Naftali, an Gad, an Asa.

Olketa laen blong Jiuda

³ Jiuda hemi garem faefala san. Waef blong hem, Batsua hu hemi woman blong Kenan, hemi bonem trifala san wea nem blong trifala i Era, an Onan, an Sela. Fasbon nao hemi Era, an hemi wanfala man wea hemi duim olketa barava nogud samting long ae blong Yawe, so Yawe hemi kilim hemi dae.

⁴ An bihaen, Jiuda hemi slip wetem Tama, dota inlo blong hem, an hemi bonem tufala san moa, an nem blong tufala, Peres, an Sera. Hem nao olketa faefala san blong Jiuda.

⁵ Peres hemi garem tufala san wea nem blong tufala i Hesron an Hamul.

⁶ Nao Sera hemi garem faefala san wea nem blong olketa i olsem: Simri, an Etan, an Heman, an Kalkol, an Dada.

⁷ Akan hu hemi san blong Kami long laen blong Sera ya, hemi mekem trabol fo kasem pipol blong Israel bikos hemi bin kipim olketa samting wea Yawe hemi bin talem olketa fo barava bonem.

⁸ Nao Etan hemi garem wanfala san wea nem blong hem i Asaraea.

Laen wea King Deved hemi bon kam long hem

⁹ Hesron hemi garem trifala san, an nem blong trifala i olsem: Jerameel, an Ram, an Kelab.

¹⁰ An nem blong olketa hu i bon long laen blong Ram i olsem: Ram hemi bonem Abinadab, an Abinadab hemi bonem Nason hu hemi wanfala bikman long traeb blong Jiuda.

¹¹ Nason hemi bonem Salmon, an Salmon hemi bonem Boas.

¹² Boas hemi bonem Obed, an Obed hemi bonem Jese.

¹³ Jese hemi garem sevenfala san. Nao stat long fasbon go kasem lasbon, nem blong olketa i olsem: Eliab, an Abinadab, an Simea,

¹⁴ an Netanel, an Radae,

¹⁵ an Osem, an Deved.

¹⁶ An Jese hemi garem tufala dota tu wea nem blong tufala nao, Seruia an Abigeil. Seruia, hemi garem trifala san olsem: Abisae, an Joab, an Asahel.

¹⁷ Nao Abigeil hemi maritim Jeta, man long laen blong Ismael, an tufala hemi garem wanfala san wea nem blong hem Amasa.

Laen blong Hesron

¹⁸ Kelab, san blong Hesron, hemi maritim Asuba. Tufala ya i garem wanfala dota wea nem blong hem Jeriot. An Jeriot hemi bonem trifala san wea nem blong trifala nao, Jesa, an Sobab, an Adon.

¹⁹ Bihaen long taem Asuba hemi dae finis, Kelab hemi maritim Efrat, an tufala garem wanfala san wea nem blong hem Hua.

²⁰ Nao Hua hemi bonem Uri, an Uri hemi bonem Besalel.

²¹ Nao taem Hesron hemi siksti yia, hemi maritim tu wanfala woman hu hemi dota blong Makia olo long laen blong Gilead. Tufala garem wanfala san wea nem blong hem nao Segub.

²² Segub hemi bonem wanfala san wea nem blong hem Jaea. Nao Jaea hemi rul ovam tuenti-tri taon long eria long Gilead.

²³ Bat pipol blong Gesua an pipol blong Aram i kam faetem olketa, an winim siksti taon long eria ya. Hem nao olketa taon blong Jaea, an taon blong Kenat, an olketa taon kolsap long olketa. Evriwan long eria long Gilead i bon kam long laen blong Makia.

²⁴ Bihaen long taem Hesron hemi dae, Kelab hemi maritim Efrat, wido blong Hesron. Tufala garem wanfala san wea nem blong hem Asua. Asua ya hemi statem taon long Tekoa.

Laen blong Jerameel

²⁵ Jerameel hu hemi fasbon blong Hesron, hemi garem faefala san. Nem blong olketa i olsem: Ram, an Buna, an Oren, an Osem, an Ahaeja.

^26-27 Ram hemi garem trifala san, wea nem blong trifala i Maas, an Jamin, an Eka. An Jerameel hemi garem narafala woman moa wea nem blong hem Atara, an tufala garem wanfala san wea nem blong hem Onam.

²⁸ An Onam hemi garem tufala san wea nem blong tufala, Samae an Jada. An Samae hemi garem tufala san wea nem blong tufala, Nadab an Abisua.

²⁹ Abisua ya hemi maritim Abihael, an tufala garem tufala san wea nem blong tufala, Ahaban an Molid.

³⁰ Nadab ya hemi garem tufala san wea nem blong tufala, Seled an Apaem. Seled hemi dae an hemi no garem eni pikinini.

³¹ Apaem hemi bonem Isi, an Isi hemi bonem Sesan, an Sesan hemi bonem Ahalae.

³² Jada hu hemi brata blong Samae, hemi garem tufala san wea nem blong tufala, Jeta an Jonatan. Jeta tu hemi dae an hemi no garem eni pikinini.

³³ Jonatan hemi garem tufala san wea nem blong tufala, Pelet an Sasa. Hem nao olketa long laen blong Jerameel.

³⁴ Nao Sesan hemi no garem eni boe, bat olketa gele nomoa. Sesan hemi garem wanfala man blong Ijip wea hemi slev blong hem. Nem blong slev ya hemi Jara.

³⁵ Sesan hemi givim wanfala dota blong hem fo maritim disfala slev Jara. Tufala i garem wanfala san wea nem blong hem Atae.

³⁶ Nao Atae hemi bonem Natan, an Natan hemi bonem Sabad,

³⁷ an Sabad hemi bonem Eflal, an Eflal hemi bonem Obed,

³⁸ an Obed hemi bonem Jehu, an Jehu hemi bonem Asaraea,

³⁹ an Asaraea hemi bonem Heles, an Heles hemi bonem Eleasa,

⁴⁰ an Eleasa hemi bonem Sismae, an Sismae hemi bonem Salum,

⁴¹ an Salum hemi bonem Jekamaea, an Jekamaea hemi bonem Elisama.

Laen blong Kelab

⁴² Kelab hu hemi brata blong Jerameel, Mesa nao hemi fasbon blong hem. Mesa hemi bonem Jif, an Jif hemi bonem Maresa, an Maresa hemi bonem Hebron.

⁴³ An Hebron hemi garem fofala san wea nem blong olketa, Kora, an Tapua, an Rekem, an Sema.

⁴⁴ Sema hemi bonem Raham, an Raham hemi bonem Jokeam. Rekem hemi bonem Samae,

⁴⁵ an Samae hemi bonem Maon. Maon ya hemi statem taon long Bet-Sua.

⁴⁶ Kelab hemi garem narafala woman wea nem blong hem hemi Efa. An tufala ya i bonem trifala san wea nem blong trifala, Haran, an Mosa, an Gases. An Haran tu hemi garem wanfala san wea nem blong hem hemi Gases.

⁴⁷ Jadae hemi garem siksfala san wea nem blong olketa i olsem, Regem, an Jotam, an Gesan, an Pelet, an Efa, an Saaf.

⁴⁸ An Kelab hemi garem narafala woman moa, wea nem blong hem hemi Maaka. Hemi bonem tufala san wea nem blong tufala, Seba an Tiahana.

⁴⁹ An bihaen, woman ya hemi bonem tufala san moa, wea nem blong tufala, Saaf an Seva. Saaf ya hemi statem taon long Madmana. An Seva hemi statem taon long Makbena an taon long Gibea. An Kelab hemi garem wanfala dota wea nem blong hem hemi Aksa.

⁵⁰ Olketa long laen blong Kelab i olsem: Hua hemi fasbon blong Kelab wetem mektu woman blong hem Efrat. Hua hemi dadi blong Sobal hu hemi fas man long taon long Kiriat-Jearim.

⁵¹ Salma hu hemi mektu san blong Hua, an hemi statem taon long Betlehem. Haref hu hemi mektri san blong Hua, hemi statem taon long Bet-Gadea.

⁵² Sobal hu hemi statem taon long Kiriat-Jearim, hemi olfala grani long laen blong Haroe an long haf blong laen blong Menuhot.

⁵³ An hemi olfala grani blong olketa laen long Kiriat-Jearim tu, wea hem nao laen blong Jeta, an laen blong Puti, an laen blong Sumat, an laen blong Misra. An olketa pipol long tufala taon long Sora an Estaol, olketa ya i bon kam long olketa laen ya.

⁵⁴ Salma hemi olfala grani long laen blong olketa pipol long Betlehem, an laen blong Netofat, an olketa pipol blong Atrot-Bet-Joab, an laen blong Sora, an haf long laen blong Manahat.

⁵⁵ Olketa long taon long Jabes i garem waka fo raetemdaon olketa samting. Olketa ya i long laen blong Tirat, an long laen blong Simeat, an long laen blong Sukat. Trifala laen ya kamaot long laen blong Kein hu hemi long laen blong Hamat. An Hamat hemi olfala grani long laen blong Rekab tu.