Debleskri gili 98 - O Debleskro Drom 2021 (Sinte)

O tchatchepaskro rai pral i phub

1 I gili

¹ I gili Giwenn o baro Debleske i newi gili! Job kras baro koowa. Peskro wasteha un Debleskri sorjah was lo o sorleder pral o tchilatchepen.

² Job mukell i menshenge an i tsele themma te penell, te lell lo len win dran o tchilatchepen. Glan lende mukell lo peskro tchatchepen te dikell.

³ Job bistras gar peskro latchepen o khereske Israel, un rikrell peskro lab, hoi das lo lende. I tseli phub dikas, har las lo len win dran o tchilatchepen.

⁴ Giwenn o baro Debleske, tumer lauter, kai ap kai phub han! Denn gole i bachtjatar, sharenn les i giljentsa!

⁵ Bashrenn leske ap i harfa! Sharenn les o bashepah ap i dorjengre bashepangre!

⁶ Bashrenn ap i phurdepangre un shinga! Denn gole i bachtjatar glan o baro Debleste! Job hi tumaro baro rai.

⁷ Mu well o baro pani diwjo i bachtjatar, un lauter, hoi an leste djiwell, ninna i tseli phub, un kolla, kai ap late djiwenn.

⁸ Tumer bare lengste panja, denn an i wasta! Tumer berge, giwenn i bachtjatar

⁹ glan o baro Debleste! Job wella un rakrell o tchatchepen win pral i tseli phub. Job hi o tchatchepaskro rai pral i tsele themma, un dell hakeneste pal kowa, hoi lo kras.