Debleskri gili 121 - O Debleskro Drom 2021 (Sinte)

O Dewel dell jak ap tute

1 I gili te giwell ap o drom an Jerusalem.

¹ I gili te giwell ap o drom an Jerusalem. Me dikau pre ap i berge. Kai well kowa, kai well mange ap i rig?

² Kowa, kai well ap miri rig, hi o baro Dewel, job, kai o bolepen un i phub kras.

³ Job mukell tut gar te perell. Job sowell gar un rikrell peskre wasta pral tute.

⁴ Kowa, kai rikrell peskre wasta pral o Israel, well gar khino un sowell gar.

⁵ O baro Dewel rikrell peskre wasta pral tute, un atchell ap tiri rig.

⁶ Jaake chatchrell tut gar o kham ap o diwes, un o tchon nai krell tuke tchi an i rat.

⁷ O baro Dewel rikrell peskre wasta pral tiro djipen, te taprell tut kek bibacht.

⁸ O baro Dewel rikrell peskre wasta pral tute ap tire tsele dromma, kote kai weh un kote kai djah kanna un hako tsiro.