Debleskri gili 110 - O Debleskro Drom 2021 (Sinte)

O baro rai hi ninna o rashai un atchell hako tsiro

1 I gili o Davidestar.

¹ I gili o Davidestar. O baro Dewel penas ap miro baro rajeste: “Besh tut ap miri tchatchi rig! Kamau te tchiwap kolen tel tire herja, kai tuke tchilatchepen kamenn.”

² O baro Dewel kras, te wal tu baro rai ap i berga Zion, un job krell tiro them baro un bareder. “Ab rai”, penell lo, “pral lauterende, kai hadan pen ap tute.”

³ Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

⁴ O baro Dewel das pes sowel, un job las lat gar pale. Job penas: “Tu hal rashai hako tsireske, sawo har o Melchisedek his.”

⁵ O baro Dewel hi ap tiri tchatchi rig tardo, un dell bare rajen khetne ap ko diwes, kai leskri choli wella,

⁶ un job o tchatchepen win rakrella, un an hake themma bud menshen i phagi della. Palle hi bud menshe mulo tchiddo ap o buchlo them. Bud pralstune wenn khetne dino.

⁷ O baro rai pijell dran o pani, hoi pash leskro drom nashell, un lell newi soor un well o sorleder.