Debleskri gili 11 - O Debleskro Drom 2021 (Sinte)

Koon ap o Debleste patsella, hi lestar gar bistedo

1 I gili o rajeske pral i gipangre. O David kras kai gili.

¹ I gili o rajeske pral i gipangre. O David kras kai gili. Me tchiwau miro tselo patsepen ap o baro Debleste. Har nai penenn tumer palle ap mande: “Naash har i tchirklo an i berge!

² Dikeh tu gar, te tserdenn i tchilatche o bogo un tchiwenn pengre faile koi pre, jaake te denn le khatemen karje ap kolende, kai shunenn pengro tselo djijeha ap o Debleste.

³ Te perell lauter an kotja, nai krell kowa tchi, kai an o tchatchepen tardo hi.”

⁴ O baro Dewel hi an peskro railo baro kheer. Leskro rajeskri beshepaskri hi an o bolepen. Leskre jaka dikenna tele ap i menshende, un job lell len an o jak.

⁵ Job rodell an i djia i latchendar un i tchilatchendar. Koon o tchilatchepen kamell, ap koleste hi lo peskro tselo djijeha chojedo.

⁶ Mu dell lo i tchilatchen i phagi: Jag un jagakri khand mukell lo pral lende te perell, un i tato ducho phurdell ap lende.

⁷ O baro Dewel hi an o tchatchepen tardo, un kamell hakenes, kai o tchatchepen krella. Koon ap leste shunella peskro tselo djijeha, kowa dikell les peskre jakentsa.