1. Mose 10 - O Debleskro Drom 2021 (Sinte)

I laba kol menshendar, kai wan pal o Noah

¹ Kowa hi ko liil, kai i laba tchinlo hi kol menshendar, kai wan o Noaheskre tchawendar: o Sem, o Ham un o Jafet. Kolenge wan tchawe boldo pal o baro pani.

O Jafeteskre tchawe

² O Jafet: Leskre tchawe hi o Gomer, o Magog, o Madai, o Jawan, o Tubal, o Meshech un o Tiras.

³ I menshe, kai wan pal o Gomer, hi: o Ashkenas, o Rifat un o Togarma.

⁴ I menshe, kai wan pal o Jawan, hi o Elisha, o Tarsis, i Kitarja un Rodanarja.

⁵ Kolendar wenna i menshe, kai djiwenna an i themma pash o baro pani. Kolla hi i tchawe o Jafetestar pengre menshentsa. Lendar wan bare familje. Hakeni rakras peskro rakepen un djiwas an peskro them.

O Hameskre tchawe

⁶ O Ham: Leskre tchawe hi: o Kush, o Mizrajim, o Put un o Kanaan.

⁷ I menshe, kai wan pal o Kush, hi: o Seba, o Hawila, o Sabta, o Ragma, un o Sabteka. I menshe, kai wan pal o Ragma hi: o Seba un o Dedan.

⁸ O Kush, les his i tchawo, leskro lab his Nimrod. Kowa his o ersto, kai las bari soor pral wawar menshende ap i phub.

⁹ Un job his i baro jegari glan o baro Debleste. Doleske well penlo: ‘Kowa hi i baro jegari glan o baro Debleste har o Nimrod.’

¹⁰ An ko ersto tsiro was job o rai pral i forja Babel, Erek, Akkad un Kalne an o them Shinar.

¹¹ Kotar djas job an o them Assur un kras i forja Ninive, Rechobot-Ir, Kelach

¹² un ninna Resen, kai mashkral Ninive un ko baro foro Kelach hi.

¹³ O Mizrajim was o dad kol menshendar Lud, Anam, Lehab, Naftu,

¹⁴ Patros, Kaslu un Kaftor, kolendar wenna i Filistarja.

O Kanaaneskre tchawe

¹⁵ O Kanaan: Leskre tchawe hi o Sidon un o Het. O Sidon hi o phureder tchawo.

¹⁶ O Kanaan was ninna o dad kol menshendar Jebus, Amor, Girgash,

¹⁷ Hiw, Ark, Sin,

¹⁸ Arwad, Zemar un Hamat. Pal i tsiro atchan kolla bare familje, kai wan pal o Kanaan, buder gar khetne un djan dureder.

¹⁹ Lengro tselo them djas pral pash o foro Sidon un tele pash o foro Gaza. Un ap koi rig, kai o kham pre-djala, djas lo pash o foro Gerar un dureder pash kol forja Sodom, Gomorra, Adma, un Zebojim pash o foro Lesha.

²⁰ Kolla hi i tchawe o Hamestar pengre menshentsa. Lendar wan bare familje. Hakeni rakras peskro rakepen un djiwas an peskro them.

O Semeskre tchawe

²¹ O Jafeteskro phureder phraal, o Sem, las ninna tchawe. Job his o dad i tsele menshendar Eber.

²² Kolla hi i tchawe o Semestar: o Elam, o Assur, o Arpaksad, o Lud, un o Aram.

²³ O Aram: Leskre tchawe hi: o Uz, o Hul, o Geter, un o Mash.

²⁴ O Arpaksad las i tchawo, o Shelach. Koleskro tchawo hi o Eber.

²⁵ O Eber las dui tchawe: Jek kharas Peleg. An leskro tsiro atchan i menshe buder gar khetne. Haki bari familja las peskro them. O Peleges his i phraal. Kowa kharas Joktan.

²⁶ Koleskre tchawe his: o Almodad, o Shelef, o Hazarmawet, o Jerach,

²⁷ o Hadoram, o Usal, o Dikla,

²⁸ o Obal, o Abimael, o Saba,

²⁹ o Ofir, o Hawila, un o Jobab. Kolla halauter wan pal o Joktan.

³⁰ Un o them, kai jon khere his, his mashkral Mesha un Sefar, kai hi tchiddo an kol berge kote, kai o kham pre djala.

³¹ Kolla hi i tchawe o Semestar pengre menshentsa. Lendar wan bare familje. Hakeni rakras peskro rakepen un djiwas an peskro them.

³² Kolla hi halauter i menshe, kai wenna o Noaheskre tchawendar. Lengre laba hi jaake pre tchinlo, te well diklo, koon lengro dad hi, un hawe menshe lendar wenna. Kol menshendar wenna i tsele menshe ap i phub pal o baro pani.