Zakarie 2 - O Debleskro Lab 2024 (Sinte-Manouche)O douyto dikepen: star shinga 1 An i vavar dikepen dikom star shinga. 2 Oun me poučom ko bolepaskrestar, kay mantsa rakras: “Koon hi kalla?” Yob penas: “Kalla hi i zorele natsyone, kay tradan i menshen dran Youda, Israel oun Yerusalem kate te kote.” 3 Oun o baro Devel sikras man star morshen, kay rikrenn i depaskro saster an o vast. 4 Koy poučom lestar: “Hoy kamenn le te krell?” Yob penas: “Yon van, te denn le kol shinga tele. Kal natsyone djan ap i menshende an o them Youda pre oun tradan len krik. Oun kal star van, te krenn le lenge bari daar oun lenn lenge lengri zoor krik.” O triinto dikepen: I morsh i doryah an peskro vast 5 An i vavar dikepen dikom i terno morshes i doryah an peskro vast, te dikell lo pal, har baro čomone hi. 6 Oun me poučom lestar: “Kay djah tou?” Yob penas: “Kamau te dikap pal, har baro oun bourhlo o foro Yerusalem hi.” 7 Oun me dikom ko bolepaskres, kay mantsa rakras, har lo i kotar glan djas. Oun i vavar bolepaskro vas pash leste. 8 Oun o ersto penas ap o vavareste: “Naash oun pen ko terno morsheske i doryah: An o foro Yerusalem venn yaake boud menshe oun firhe, te nay venn kek massurya troul leste. 9 Me kokres, penell o baro Devel, vau i yagakri massouri troul o foro, oun djivau kote, oun krau ko foro zorelo oun shoukar.” I pandle venn gole dino, te venn le khere 10 “Nashenn! Nashenn! Nashenn dran o them Babilonia!” dell o baro Devel gole, “t'mer, kolen tradom ap hake rigya. 11 Stenn pre, t'mer menshe dran Sion, kay djivenn an o them Babilonia, nashenn t'menge!” 12 O baro Devel, ko ray pral o bolepen oun i phoub, kova, kay bičras man, yob penell pral i menshende an kol vavar themma, kay čoran t'men vin: “Hakeno kay doukrell t'men, doukrell kova, hoy hi mange yaake kouč har miro yak. 13 Denn garda! Me dau len trad miro vasteha, te venn le čoredo kolendar, kay hounte boudran lenge.” Palle dikenn t'mer, kay o baro Devel, ko ray pral o bolepen oun i phoub, kova hi, kay bičras man. 14 “Givenn oun stenn i barhtyatar, t'mer menshe an o foro Sion! Me vau te djivap mank t'mende”, penell o baro Devel. 15 An ko tsiro venn i menshe dran boud themma pash o baro Debleste. Oun yon venn leskre menshe. Oun yob djivell mashkral t'mende. Oun t'mer dikenn, te bičras man o baro Devel pash t'mende, ko ray pral o bolepen oun i phoub. 16 Oun dran peskro tselo them lell peske o baro Devel o them Youda, te vell lo leskro. Oun o foro Yerusalem vell pale leskro vi-rodedo foro. 17 Hako mensho hounte ačell pokones glan o baro Debleste; o baro Devel vell dran peskro kheer, kay djivell lo. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.