Nehemia 7 - O Debleskro Lab 2024 (Sinte-Manouche)

Morsha venn vi-rodedo, kay denn yak ap o foro

¹ Oun har i massouri tardo his, oun me o voudya dren čivom, vas kol morshen pengri boudi dino, kay pash i voudya yak hounte dan, ninna i gipangren oun i Levitaryen.

² Oun me čivom douy pralstunen pral o foro Yerusalem, miro phrales, o Hanani, oun o Hananya, kay o pralstouno lourdo pral o lourdengro kheer his. Yob his i morsh o labestar, oun djivas yaake o Debleha har gar boud vavar.

³ Oun me penom ap lende: “I bare foreskre voudya venn gar pre kerdo yaake rah o kham gar pral ap o bolepen tardo hi. Oun kol voudya hounte venn pandlo oun klido zorele kashtentsa yaake rah har o kham gomme ap o bolepen diklo vell. Oun morsha hounte venn vin rodedo dran kolende, kay an Yerusalem djivenn, te denn le yak ap o foro. Kol yek venn tardo kote, kay lenge penlo vell. Oun kol vavar denn yak troul pengre khera trouyel.”

Kolla hi i laba kolendar, kay van khere dran o them Babilonia

⁴ O foro Yerusalem his baro oun bourhlo, oun gar boud menshe djivan kote, oun kek khera his koy.

⁵ Oun miro Devel das man an o dji, te dom khetne gole i pralstunen oun čačepangre morshen, oun lauter, kay kote djivan, te venn lengre laba pre činlo, hakeno pash peskri familya. Oun me hatsom o familyakro liil kolendar, kay i glanstoune his, kay pale van. An ko liil his činlo:

⁶ Kalla hi kol menshe, kay an o them Youda djivenn. Kolla van pale dran o pandepen, kay o baro ray pral Babilonia, o Neboukadnezar, len krik anas. Kolla van pale pale an o foro Yerusalem oun an o them Youda, hakeno an peskro foro.

⁷ Yon van khetne kol morshentsa Zorobabel, Yeshoua, Nehemya, Asarya, Raamya, Nahamani, Mordokay, Bilshan, Misperet, Bigvay, Nehoum, oun Baana. Kolla hi i laba kol familyendar, kay van pale an Israel oun kitse morsha an lende his:

⁸ o kheer Parosh: 2.172 (douy-zerya-yek-sheel-te-efta-deesh-te-douy);

⁹ o kheer Shefatya: 372 (triin-sheel-te-efta-deesh-te-douy);

¹⁰ o kheer Ara: 652 (shob-sheel-te-panč-deesh-te-douy);

¹¹ o kheer Pahat-Moab, kol čavendar o Yeshoua oun o Yoab: 2.818 (douy-zerya-orhta-sheel-te-deesh-te-orhta);

¹² o kheer Elam: 1.254 (yek-sero-douy-sheel-te-panč-deesh-te-star);

¹³ o kheer Zattou: 845 (orhta-sheel-te-star-deesh-te-panč);

¹⁴ o kheer Zakay: 760 (efta-sheel-te-shob-deesh);

¹⁵ o kheer Binnouy: 648 (shob-sheel-te-star-deesh-te-orhta);

¹⁶ o kheer Bebay: 628 (shob-sheel-te-biish-te-orhta);

¹⁷ o kheer Asgad: 2.322 (douy-zerya-triin-sheel-te-biish-te-douy);

¹⁸ o kheer Adonikam: 667 (shob-sheel-te-shob-deesh-te-efta);

¹⁹ o kheer Bigvay: 2.067 (douy-zerya-te-shob-deesh-te-efta);

²⁰ o kheer Adin: 655 (shob-sheel-te-panč-deesh-te-panč);

²¹ o kheer Ater, o čavestar Hiskiya: 98 (enya-deesh-te-orhta);

²² o kheer Hashoum: 328 (triin-sheel-te-biish-te-orhta);

²³ o kheer Bezay: 324 (triin-sheel-te-biish-te-star);

²⁴ o kheer Harif: 112 (yek-sheel-te-deesh-te-douy);

²⁵ o kheer Gibeon: 95 (enya-deesh-te-panč);

²⁶ dran i forya Betlehem oun Netofa: 188 (yek-sheel-te-orhta-deesh-te-orhta);

²⁷ dran o foro Anatot: 128 (yek-sheel-te-biish-te-orhta);

²⁸ dran o foro Bet-Asmavet: 42 (star-deesh-te-douy);

²⁹ dran i forya Kiryat-Yearim oun Kefira oun Beerot: 743 (efta-sheel-te-star-deesh-te-triin);

³⁰ dran i forya Rama oun Geba 621 (shob-sheel-te-biish-te-yek);

³¹ dran o foro Mikmas: 122 (yek-sheel-te-biish-te-douy);

³² dran i forya Betel oun Ai: 123 (yek-sheel-te-biish-te-triin);

³³ o vavar kheer Nebo: 52 (paash-sheel-te-douy);

³⁴ o vavar kheer Elam: 1.254 (yek-sero-douy-sheel-te-panč-deesh-te-star);

³⁵ o kheer Harim: 320 (triin-sheel-te-biish);

³⁶ dran o foro Yericho: 345 (triin-sheel-te-star-deesh-te-panč);

³⁷ dran i forya Lod oun Hadid oun Ono: 721 (efta-sheel-te-biish-te-yek);

³⁸ o kheer Senaa: 3.930 (triin-zerya-enya-sheel-te-triyanda);

³⁹ I rashaya: o kheer Yedaya dran o kheer Yeshoua: 973 (enya-sheel-te-efta-deesh-te-triin);

⁴⁰ o kheer Immer: 1.052 (yek-sero-te-panč-deesh-te-douy);

⁴¹ o kheer Pashour: 1.247 (yek-sero-douy-sheel-te-star-deesh-te-efta);

⁴² o kheer Harim: 1.017 (yek-sero-te-deesh-te-efta);

⁴³ I Levitarya: dran i khera Yeshoua, Kadmiel, Binnouy oun Hodavya: 74 (efta-deesh-te-star);

⁴⁴ dran o kheer Asaf: 148 (sheel-te-star-deesh-te-orhta); kolla his gipangre;

⁴⁵ dran i khera Shalloum, Ater, Talmon, Akkoub, Hatita oun Shobay: khetne 138 (yek-sheel-te-triyanda-te-orhta); kolla dan yak ap o foreskre voudya;

⁴⁶ I familye, kolendar i morsha van, kay boudran an o Debleskro kheer: Siha, Hassoufa, Tabbaot,

⁴⁷ Keros, Sia, Padon,

⁴⁸ Lebana, Hagaba, Salmay,

⁴⁹ Hanan, Giddel, Gahar,

⁵⁰ Reaya, Rezin, Nekoda,

⁵¹ Gasam, Ouza, Pasea,

⁵² Besay, Meounim, Nefusim,

⁵³ Bakbouk, Hakoufa Harour,

⁵⁴ Bazlut, Mehida, Harsha,

⁵⁵ Barkos, Sisera, Tema,

⁵⁶ Nessia oun Hatifa.

⁵⁷ I familye kolendar, kay boudran o baro rayeske Salomo: Sotay, Soferet, Perida,

⁵⁸ Yaala, Darkon, Giddel,

⁵⁹ Shefatya, Hattil, Pokeret-Zebayim, oun Amon.

⁶⁰ I tsele boudepangre, kay boudran an o Debleskro kheer oun kolla, kolengre phoure o Salomeske boudran, his khetne 392 (triin-sheel-te-enya-deesh-te-douy).

⁶¹ Oun koy his ninna menshe, kay khetne i Israelitarya pre van dran Tel-Mela, oun dran Tel-Harsha, oun dran Keroub-Addon, oun dran Immer. Yon nay penan gar, dran havo dadengro kheer yon hi, oun te hi lengre menshe dran o Israel.

⁶² Kolla his i familye Delaya, Tobiya, oun Nekoda. Khetne his le 642 (shob-sheel-te-star-deesh-te-douy) morsha.

^63-64 Mank i rashaya his save, kay nay hatsan gar pengro familyakro liil. Kolla his i familye Habaya, Hakkoz oun Barsillay. O phouro dad i familyatar Barsillay las i čay ko morshestar Barsillay dran Gilead, oun vas pal koleskro lab kharedo. Oun har sikran le nay gar, have menshendar yon hi, nay ačan le gar rashaya.

⁶⁵ Oun ko moskro penas lenge, te nay rhan le gar o rhapen, hoy kokres i rashayenge his, yaake rah bis te i rashay vas oun vin hatsas, hoy i barra Momeli oun Čačepen pral kava koova penan.

⁶⁶ Oun i tsele Israelitarya, kay van khere dran pengro pandepen, his khetne 42.360 (star-deesh-te-douy-zerya-triin-sheel-te-shob-deesh) menshe.

⁶⁷ Vin lino his lengre boudepangre. Kolla his 7.337 (efta-zerya-triin-sheel-te-triyanda-te-efta) morsha oun djouvya. Koy pashel van lengre gipangre: 245 (douy-sheel-te-star-deesh-te-panč) morsha oun djouvya.

⁶⁸ Oun len his 736 (efta-sheel-te-triyanda-te-shob) graya, 245 (douy-sheel-te-star-deesh-te-panč) maultikre bourike, 435 (star-sheel-te-triyanda-te-panč) khamele, oun 6.720 (shob-zerya-efta-sheel-te-biish) bourike.

⁶⁹ Oun mank kolende, kay his i pralstoune pral pengre familye, his save, kay dan pendar love oun vavar koova o Debleskro khereske. Ko moskro das 1.000 (yek-sero) sonakangre love oun 50 (paash-sheel) čare, oun 530 (panč-sheel-te-triyanda) rashayengre baya.

⁷⁰ Oun vavar pralstoune dan 20.000 (biish-zerya) sonakangre love oun 1.100 (yek-sero-te-yek-sheel) kilogramme roup.

⁷¹ Oun kol vavar menshe dan khetne 20.000 (biish-zerya) sonakangre love oun 1.000 (yek zero) kilogramme roup oun 67 (shob-deesh-te-efta) rashayengre baya.

⁷² Oun lauter djan an pengre forya, te djivenn le kote: I rashaya oun i Levitarya, kolla, kay ap o foreskre voudya yak dan, i gipangre, vavar menshe, kolla kay an o Debleskro kheer boudran, oun i tsele Israelitarya.