Jesaja 20 - O Debleskro Lab 2024 (Sinte-Manouche)O Debleskre laba pral Egiptia oun Etiopia 1 O baro ray pral o them Assour, o Sargon, bičras peskro pralstouno lourdes, te kourell lo pes o foreha Ashdod. Oun an ko bersh, har yob ko foro dren las, 2 rakras o baro Devel ap o Yesaya, koleskro dad o Amoz his, oun penas: “Rib tiri goneskri damdira oun tire kirrha vin!” Kova kras o Yesaya. Yob rivas peskre koola vin, ninna peskre kirrha, oun djas yaake trouyel triin bersha rah. 3 Palle penas o baro Devel: Yaake har miro boudepaskro, o Yesaya, triin bersha nanges oun pirkenes trouyel nashas, te sikrell lo, hoy pral i themma Egiptia oun Etiopia vella, 4 yaake lell o baro ray pral Assour i menshen an Egiptia oun an Etiopia pandles, oun tradell len krik, i ternen oun i phouren. Oun yon hounte djan nanges oun pirkenes. Oun len hi kek rholopya ap pende. Havi ladj hi kova lenge! 5 Palle lenn kolla bari daar oun traash, kay patsan, te venn i lourde dran Etiopia lenge ap i rig, oun kay sharan pen, te denn i Egiptarya yak ap lende. 6 Palle penenn kolla, kay pash o baro pani djivenn: Hi kolla kal menshe, pash kolende nasham, te lenn le men vin dran i vasta o baro rayestar pral Assour? Koon nay lell men kanna gomme koy vin? |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.