Jeremia 45 - O Debleskro Lab 2024 (Sinte-Manouche)I lab o morsheske, o Barouk 1 An o starto bersh, har o Yoyakim, koleskro dad o Yosia his, o baro ray pral o them Youda his, činas o Barouk, koleskro dad o Neriya his, halauter an i liil, hoy o Debleskro rakepaskro, o Yeremia, leske penas. Koy penas o Yeremia ap o Barouk: 2 O baro Devel, ko ray pral o bolepen oun i phoub, kay o Israeleskro Devel hi, penell pral toute: 3 Tou peneh: Me bibarhtelo! Har das man o baro Devel ropen oun douk an miro djipen! Me rovau man khines oun hatsau kek sopen. 4 Pen leske: Kova penell o baro Devel: Dik, miro them, hoy me bares krom, kova krau me paash. Mire menshe, kolendar i natsyona krom, tradau vin dran o them. 5 Oun tou kameh touke baro koova? Vals feteder te kamess či! Me moukau bibarht te vell pral i tsele menshende, penell o baro Devel. Tou ačeh djido, kay tou ninna djah, ninna te ačell touke či har tiro djipen. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.