Ezekiel 15 - O Debleskro Lab 2024 (Sinte-Manouche)O drakengro kasht vell an i yag vitsedo 1 Oun o baro Devel penas ap mande: 2 Tou, mensho, pen mange: Hi o kasht i drakengro roukestar feteder har o vavar kasht dran o veesh? 3 Vell lo lino, te krell yek čomone lestar? Nay vell lo an i massouri dino, te pandell yek čomone ap leste? 4 Na-a, i drakengro kasht vell an i yag vitsedo, te vell lo rhačedo. Te rhačras o glanstouno kotar oun o palstouno kotar lestar oun kova mashkral hi an-rhačedo, hi lo gomme čomone moldo? 5 Na-a! Har his ko kasht gomme tseles, nay kras kek čomone lestar. Kanna, kay hi lo rhačedo, hi lo boudeder či-moldo. 6 Doleske penell o baro Devel, maro ray: Yaake har krom, te hi o drakengro kasht či vavareske moldo, har te vell lo rhačedo, yaake krau ninna kolentsa, kay djivenn an o foro Yerusalem. 7 Me dikau čilačes ap lende, oun dau len pengri phagi: Bis kanna van le dran i yag vin. Kanna vell i yag pral lende, oun rhačrenn len pre. Koy pre dikenn oun hayvenn t'mer, te hom me o baro Devel. 8 Me krau, te vell o them i moulo them. Kova krau doleske, kay phagan le mantsa, penell o baro Devel, maro ray. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.