Debleskri gili 99 - O Debleskro Lab 2024 (Sinte-Manouche)O baro Devel hi kokres o čačo Devel 1 O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna. 2 Zorelo hi o baro Devel an o foro Sion, o pralstouno hi lo pral i tsele themma. 3 Mou hadenn le lauter tiro baro oun raylo lab! Tou kokres hal o čačo Devel. 4 Touke hi bari zoor. Tou hal o baro ray, kay kamell o čačepen o djiyestar. Tou penal, hoy čačo hi, oun čival o čačepen pre an o them Israel, te djan i čačepangre morsha pal o čačepen. 5 Hadenn maro baro Debles! Oun perenn ap i phoub glan i beshepaskri, kay yob peskre herya pre čivella. O baro Devel kokres hi o čačo Devel. 6 O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len. 7 Dran i folka rakras lo lentsa, oun yon rikran leskre laba, oun kran, hoy yob lendar kamas. 8 Baro Devel, tou hal maro Devel. Tou shounal len, oun lal i doosh tire menshendar krik, ninna te dal len i phagi koleske, hoy yon kran. 9 Hadenn maro baro Debles! Mangenn les an ap leskri berga, kay yob djivella. Maro baro Devel kokres hi o čačo Devel. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.