Debleskri gili 87 - O Debleskro Lab 2024 (Sinte-Manouche)An o foro Yerusalem hi menshe dran hake themma khere 1 I gili yekestar dran i familya Korah. 1 I gili yekestar dran i familya Korah. O baro Devel kras o foro Sion zoreles, pral ap peskri berga. 2 O djiyestar kamell lo o foro Sion peskre shoukar voudyentsa. Boudeder kamell lo ko foro har i tsele khera, kay djivenn o Yakobeskre čave. 3 Shoun, tou o Debleskro foro, havo shoukar rakepen o Devel pral toute rakrell: 4 Mank kolende, kay man prindjrenna, hi i menshe dran i themma Egiptia oun Babilonia, ninna i Filistarya oun i menshe dran Tirus, ninna kolla dran o them Etiopia, kay kate boldo hi. 5 Pral o foro Sion nay peness: Hakeno hi kate khere; o Devel, ko pralstouno, kokres rikrell o fores zoreles. 6 An o liil, kay i menshe dran hake themma dren činlo venn, činell o baro Devel pal hako lab: Kava hi kate khere. 7 Oun pash o khelepen givenn le lauter: Dran toute, tou foro Sion, vell ko tselo lačepen, hoy men hi. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.