Debleskri gili 82 - O Debleskro Lab 2024 (Sinte-Manouche)O Devel hi o čačepaskro ray 1 I gili o Asafestar. 1 I gili o Asafestar. O Devel hi tardo mashkral o bolepaskro tsillo, oun rakrell o čačepen vin pral i debla. 2 “Har rah djan t'mer gar pal o čačepen? Har rah denn t'mer koleste peskro čačepen, koles gar čačo hi? 3 Dikenn, te lenn i čorvele pengro čačepen, ninna kolla, kolen kek dad bouder hi! Avenn ap i rig kolendar, kolen či hi oun gar an-diklo hi, oun dikenn, te lenn le pengro čačepen! 4 Avenn ap i rig i čorvelenge, oun kolenge, kay tikno rikedo venna, oun lenn len vin dran i vasta i čilačendar! 5 T'mer moukenn t'menge či te penell. Dinele han t'mer, oun djan t'maro drom, har te vals kali rat, kay dikenn či. Doleske dell kek čačepen bouder ap kay phoub. 6 Ava, me penom: T'mer han debla, t'mer lauter han čave o pralstunestar. 7 Kanna penau: T'mer hounte merenna yaake har i menshe merenna, ava, yaake har zorele raya perenna, perenn t'mer ninna.” 8 Ste pre, maro Devel oun rake o čačepen vin pral i tseli phoub! Tire hi i menshe an i tsele themma. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.