Debleskri gili 8 - O Debleskro Lab 2024 (Sinte-Manouche)Har baro hi miro Devel! 1 I gili o rayeske pral i gipangre, te givell pash o bashepen ap i bashepaskri orhta doryentsa. O David kras kay gili. 2 Baro Devel, maro ray, har raylo hi tiro lab ap i tseli phoub! Tiro raylepen hi bareder har o bolepen. 3 Dran o mouy i čavendar oun tikne čavendar venn kol laba, hoy sharenn tout. Yaake hounte rikrenn pengro mouy kolla, kay kamenn tout gar oun hi rhoyedo ap toute. 4 Me te dikau o bolepen, hoy tou tire goushtentsa kral, o čon oun i momlia an o bolepen, hoy tou kral, 5 palle poučau mandar: Hoy hi o mensho? Hoske vell lo touke an o shero? Hi lo touke yaake kouč, te veh ap leskri rig? 6 Tou kral les gar boud tikneder har tout kokres. Baro oun raylo kral tou les. 7 Tou kral les ray pral halauter, hoy tire vasta kran. Lauter čival tou tel leskre herya: 8 Bakre, bouzya oun groumya, oun i divye firhe ninna, 9 i čirkle an o bolepen oun i mače an o baro pani, oun lauter, hoy an o pani djivell. 10 Baro Devel, maro ray, har raylo hi tiro lab ap i tseli phoub! |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.