Debleskri gili 76 - O Debleskro Lab 2024 (Sinte-Manouche)O Devel hi o zorelo čačepaskro ray 1 I gili o rayeske pral i gipangre, te givell pash o bashepen ap i doryengre bashepangre. O Asaf kras kay gili. 2 An o them Youda prindjrell hakeno o Debles, an o tselo them Israel hi lo prindjedo. 3 An o foro Yerusalem vas leskro kheer kerdo, kote ap i berga Sion djivell lo. 4 Kote phagas yob o marepaskre koola: i fayle, i shilte oun i rhare. 5 Tou hal rayleder oun bareder har i berge, hoy hako tsiro ačenna. 6 I zorele morsha van vi-čoredo oun meran. Oun i kourepangre lan pengre moussya gar pre. 7 Har dal tou len trad, tou, o Yakobeskro Devel, peran i graya oun kolla, kay ap lende beshdo hi, an o sopen. 8 Glan toute kokres hounte vell men daar. Koon nay ačell tardo glan toute, tou te rhoyreh tout? 9 Tou rakral dran o bolepen i phagi vin pral i phoub. Oun i phoub trashas oun penas kek lab, 10 har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub. 11 Te hadenn pen rhoyede menshe pral toute, maro Debleste, vell diklo, har baro tou hal. Oun kova, hoy pral ačell lengri rholyatar, hi touke har i shoukar ripen, hoy riveh. 12 Denn t'men sovel, te denn čomone o baro Debleste, kay t'maro Devel hi. Oun rikrenn t'mari sovel! Anenn leske kouč koova, t'mer dran i tsele themma, kay troul leste hi. Yob hi kova, kolestar hakeno darella. 13 Yob pandell i pralstunenge pengro baro mouy, oun i bare rayenge ap kay phoub krell lo traash. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.