Debleskri gili 75 - O Debleskro Lab 2024 (Sinte-Manouche)O Devel hi o čačepaskro ray 1 I gili o rayeske pral i gipangre, te givell har koy gili Ma mare men . Kay gili kras o Asaf. 1 I gili o rayeske pral i gipangre, te givell har koy gili Ma mare men. Kay gili kras o Asaf. 2 Mer sharah tout, maro Devel. Mer parkrah men pash toute, te hal pash mende, oun rakrah halauterestar, hoy tou kral an tiri bari zoor. 3 “Te vas miro tsiro”, penell o Devel, “rakrau o čačepen vin pral hakeneste. 4 Ninna te trissell i phoub oun lauter, kay djivell koy pre, me rikrau lat, te ačell li zoreles tardo.” 5 Me penom ap kolende, hoy pen bares krenn: Ma phourdenn t'men yaake pre! Oun ap i čilačende penom: Ma hadenn t'men! 6 Ačenn! Ma hadenn t'men! Moukenn tele t'maro čilačo rakepah! 7 Čačo barepen vell gar kotar, kay o kham pre-djala, oun gar kotar, kay o kham tele djala, vitar gar dran o moulo tato them. 8 Na-a, o Devel hi o čačepaskro ray, kay ko yekeske i zoor krik lell, oun o vavares bares krell. 9 O baro Debles hi o khoro an o vast pherdo zoreli mool, hoy yob dren čoras. Oun i tsele čilače ap kay phoub hounte piyenn lat, bis te bouder kek mool an o khoro hi. 10 Me kamau o Deblestar te rakrell hako tsiro. Oun leske, ko Yakobeskro Debleske, givau oun bashrau. 11 Maro Devel, tou phageh i zoor i čilačendar, oun deh i zoor kolen, kay an o čačepen tardo hi. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.