Debleskri gili 70 - O Debleskro Lab 2024 (Sinte-Manouche)Le man vin dran i čilače vasta 1 I gili o rayeske pral i gipangre. O David kras kay gili, te bistrell les o Devel gar. 2 Kre sik, mo Devel, te vess ap miri rig! Baro Devel, le man vin dran i čilače vasta! 3 Praasepen oun ladj mou vell ap kolende, kay kamenn man te marell! Kre, te djal kolenge gar, hoy yon penge glan lan, kay kamenn mange čilačepen. Kre, te sanenn i vavar pral lende! 4 Mou vell lengri ladj yaake baro, te hounte rissrenn le trouyel oun djan pale, – kolla lauter, kay sanenn pral mande. 5 Barhtelo pral toute mou venn kolla lauter, kay pal toute poučenna, oun lengre djia mou givenna. Kolla, kay kamenn tout, kay tou lal len dran o čilačepen vin, te penenn le hako tsiro: Baro hi o Devel! 6 Me hom čorvelo oun bibarhtelo. Miro Devel, ab sik pash mande! Tou hal kova, kay hal ap miri rig, oun leh man vin dran lengre vasta. Baro Devel, mouk tout kek tsiro oun ab sik pash mande! |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.