Debleskri gili 61 - O Debleskro Lab 2024 (Sinte-Manouche)Mouk man hako tsiro pash toute te djivell 1 I gili o rayeske pral i gipangre, te givell pash o bashepen ap i doryengri bashepaskri. O David kras kay gili. 2 Shoun, miro Devel! Shoun miri gole! Shoun, har me tout mangau! 3 Dour kotar, kay khere hom, dau me ap toute gole, miro dji tapras i daar. Le tou man oun an man pre ap i baro zorelo bar. 4 Pash toute nay khatrau man. Ava, har i baro zorelo kheer val tou mange, kay me man khatrau glan kolende, kay man palla lenn. 5 Mouk man an tiro kheer te djivell hako tsiro, tel tire moussya man te khatrell, har i tikno čirklo khatrell pes tel peskri dakre moussya. 6 Kova, hoy touke sovel dom, shounal tou, miro Devel, oun deh dran tiro bravlepen kolende, kay djivenn touha. 7 De o baro rayes i rah djipen, de les boud bersha, te djivell lo gomme i rah tsiro. 8 Yob te ačell o baro ray glan toute, miro Devel, hako tsiro! De tou an tiro lačepen oun čačepen yak ap leste! 9 Yaake kamau touke te givell hako tsiro, oun miri sovel te rikrell hako dives. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.