Debleskri gili 6 - O Debleskro Lab 2024 (Sinte-Manouche)O baro Devel shounell miro ropen 1 I gili o rayeske pral i gipangre, te givell pash o bashepen ap i bashepaskri orhta doryentsa. O David kras kay gili. 2 Baro Devel, tou hal rhoyedo ap mande. Ma de man savi bari phagi! Ma de man gar an tiri rholi! 3 Baro Devel, ab lačes ap mande, mange djal gar mishto! Baro Devel, kre man pale sasto! Man hi bouder kek zoor an mande. 4 Man hi bari traash. Ah, baro Devel, har rah hal tou rhoyedo ap mande? 5 Risse trouyel, baro Devel, oun le man vin! Tou hal yaake lačo, le man vin! 6 Te hom moulo, nay sharau me tout bouder gar. Pash i moulende parkrenn le pen gar pash toute. 7 Khino hom o ropastar. I tseli rat nashenn mire sva, oun miro čiben hi sapenes lendar. 8 Me dikau bouder gar mishto, – yaake pharo hi miro dji. Mire yaka hi pesso o ropastar kol boudenge, kay mange o djipen phares krenna. 9 Djan t'menge, t'mer lauter, kay han čilačes! O baro Devel shounas miro ropen. 10 Ava, o baro Devel shounas miri gole. Miro mangepen las lo an. 11 Ladj ap kolende, kay mange čilačepen kamenna! Sik te vell i bari traash ap lende, te hounte nashenn le oun ladjenn pen! |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.