Debleskri gili 58 - O Debleskro Lab 2024 (Sinte-Manouche)O Devel hi o čačepaskro ray pral i phoub 1 I gili o rayeske pral i gipangre, te givell har koy gili Ma mare men . O David činas kay gili. 1 I gili o rayeske pral i gipangre, te givell har koy gili Ma mare men. O David činas kay gili. 2 T'mer zorele, rakrenn t'mer čačepah o čačepen vin pral i menshende? Denn t'mer hakeneste peskro čačepen? 3 Na-a, kova krenn t'mer gar. T'mer kamenn o čilačepen te krell. T'mare vastentsa krenn djoungelo koova. 4 I čilače peran o čačo dromestar tele, yaake rah har yon boldo van. Foun tiknes pre djan le i rhorheno drom. 5 Lengro rakepen marell har i čip i čilačo sapestar. Yon hi har i sap, hoy nashte shounell gar. 6 Yon pandenn pengre kanda har i sap, kay kamell gar te shounell, hoy o dourkepaskro ap leste rakrell, ninna te hayvell lo mishto i sapentsa te rakrell. 7 De lenge i danda dren, miro Devel! Phage lengre levengre danda vin, miro baro Devel! 8 Kre te ačenn le gar djido, oun hounte krik djan har pani, hoy an i phoub nashell. Te čivenn le pengre fayle an, mouk len tele phagenn. 9 Yaake har i momeli tele rhačrell, oun bouder gar koy hi, oun yaake har i ternepen, hoy moulo boldo vell oun o kham gar dikas, yaake te ačenn yon vitar gar. 10 Lenge djal har i soubyengre bourra: I baro dourho tserdell len dran i phoub vin. Yaake phourdell o Devel len krik an peskri bari rholi. 11 O dji kolendar vell barhtelo, kay hi an o čačepen tardo, te dikenn le, kay lenn i čilače pengri phagi. An kolengro rat thovenn le pengre pire. 12 Oun i menshe penenna: “Kova, kay o čačepen kras, lell peskro playsepen. Ava, o Devel hi o čačepaskro ray pral i phoub.” |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.