Debleskri gili 56 - O Debleskro Lab 2024 (Sinte-Manouche)O mangepen yekestar, ap koleste boud morsha djan 1 I gili o rayeske pral i gipangre, te givell har koy gili I tauba an i dour them. Kay gili kras o David, har tapran les i Filistarya an o foro Gat. 2 Miro Devel, ab lačes ap mande, i menshe lenn man palla! Hako dives djan le ap mande pre, oun krenn mange o djipen phares. 3 Kolla, kay kamenn mange čilačepen, lenn man hako dives palla. Boud djan pre-phourdemen ap mande. 4 Ap ko dives, kay man i daar taprella, dikau me ap toute, mo Devel, oun rikrau man ap toute. 5 Me kamau o Debleskro lab te sharell, man ap leste te rikrell, oun man gar te darell. Hoy nashte krenn man i menshe? 6 O tselo dives rissrenn le mire laba trouyel. Yon rodenn, har nay doukrenn le man. 7 An pengro khatepen hi le čiddo, lenn le man an o yak, oun djinenn hako djapen mandar. Yon rodenn, har nay denn le man moulo. 8 Miro Devel, kameh len kek phagi te dell lengro čilačepaske? De kal menshen an tiri rholi khetne! 9 Dik, har boud divessa hom me ap o naashepen! Le mire sva an i čaro khetne! Pash toute hi le lauter pre-činlo an i liil. 10 Ap ko dives, kay dau ap toute gole, hounte djan kolla pale, kay kamenn man te marell. Kava hi, hoy djinau: Tou hal mantsa, miro Devel. 11 Me kamau o Debleskro lab te sharell. Ava, o baro Debleskro lab kamau te sharell. 12 Ap leste dikau oun rikrau man, oun darau gar. Hoy nashte krenn man i menshe? 13 Miro Devel, me dom man sovel, te parkrap man pash toute. 14 Tou lal man vin dran o merepen. Ava, glan o perepen rikral tou mire herya pale, yaake te nay djivap glan toute, miro Devel, khetne kolentsa, kay djide hi. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.