Debleskri gili 54 - O Debleskro Lab 2024 (Sinte-Manouche)Yek, kay vell palla lino, dell gole ap o Debleste 1-2 I gili o rayeske pral i gipangre, te bashrell ap i doryengri bashepaskri. O David činas koy gili, har kol morsha dran Sif pash o Saul van oun penan: “O David rikrell pes pash mende khatemen.” 1-2 I gili o rayeske pral i gipangre, te bashrell ap i doryengri bashepaskri. O David činas koy gili, har kol morsha dran Sif pash o Saul van oun penan: “O David rikrell pes pash mende khatemen.” 3 Miro Devel, sike koon tou hal oun ab ap miri rig! Sike tiri zoor oun kre, te lap miro čačepen! 4 Miro Devel, shoun miro mangepen! Shoun o rakepen, hoy dran miro mouy vella! 5 Menshen, kay me gar prindjrau, kolla hadenn pen ap mande, depangre kamenn man te marell. O Devel hi len gar glan i yaka. 6 Tou, miro Devel, veh ap miri rig. Tou, miro ray, hal kova, kay man rikrella. 7 Tou deh kolen ko čilačepen pale, hoy yon kaman ap mande te anell. Sike mande, te hal mantsa, oun le len krik kay phoubyatar! 8 Palle anau me touke lačo koova i barhtelo djiyeha, oun sharau tout, baro Devel, tou hal yaake lačo. 9 Tou lal man vin dran o tselo koova, hoy mange o djipen phares kras. Kanna nay dikau tele ap kolende, kay kaman man te marell. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.