Debleskri gili 53 - O Debleskro Lab 2024 (Sinte-Manouche)Dell kek mensho, kay lauter mishto krell 1 I gili o rayeske pral i gipangre, te givell har koy gili Mahalat . O David kras kay gili. 1 I gili o rayeske pral i gipangre, te givell har koy gili Mahalat. O David kras kay gili. 2 Dinele hi le, kay rakrenn penge: “Hi kek Devel.” Či-molde hi le. Lauter, hoy le krenna, hi djoungelo oun rhorheno koova. Kek hi koy, kay krell o lačepen. 3 O Devel dikell dran o bolepen tele ap i menshende, te hatsell lo yekes, kay gosevo hi oun pal o Debleste poučella. 4 Halauter rissran pen lestar krik, oun djivenn i djoungelo djipen, yek har ko vavar. Kek hi koy, kay krell o lačepen, ava kek! 5 “Kolla, kay o čilačo koova krenna, hayvenn či”, penell o Devel, – “kolla, kay mire menshen rhana har i kotar maro. Man denn le gar an-gole.” 6 Ap yek kopo taprenn le i traash, ninna te hi či koy, hoy len nay traash krella. O Devel marell kolen, kay ap peskre menshende pre djan. Oun lengre kokale ačenn čiddo oun venn gar paskedo. O Devel čivas len pale. 7 Har kamaus me, te vals kova koy berga Sion tele, kay lell o Israel vin dran i bibarht! Ava, har kamaus me, te anell o Devel peskre pandle menshen pale! Palle stans o Yakobeskre čave i barhtyatar, ava, o tselo Israel vals barhtelo. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.