Debleskri gili 52 - O Debleskro Lab 2024 (Sinte-Manouche)Hoske phourdeh tout pre, tou sharepaskro? 1 I gili o rayeske pral i gipangre. O David kras kay gili, 2 har o Doeg, ko morsh dran o them Edom, pash o Saul vas, oun leske penas: “O David hi pash o Ahimelek.” 3 Hoske shareh tou tout tiro čilačepah, tou, kay kameh te vell tout penepaske pral halauter! O lačepen o Deblestar hi o tselo dives kay. 4 Tou rodeh, har te doukress yekes, oun tiri čip činella har i lači čouri, tou rhorheno! 5 Tou kameh o čilačepen boudeder har o lačepen. Oun o rhorhepen kameh tou boudeder har o čačepen. 6 Tou kameh laba, hoy phagenn, oun rakreh douy čipyentsa. 7 Doleske phagell tout ninna o Devel hako tsireske. Yob stakrell tout khetne, vitsrell tout vin dran tiro kheer, lell tout krik kay phoubyatar, kay djivah. 8 Oun kolla, kay an o čačepen tardo hi, dikenn kova oun darenn oun sanenn pral leste: 9 “Dikenn ko morshes! Kova čivas gar peskro patsepen ap o Debleste. Na-a! Yob patsas ap peskro baro bravlepen, oun leskro čilačepen kras les zorelo.” 10 Me hom har i zenelo djeteskro rouk an o Debleskro kheer. Me patsau ap o lačepen miro Deblestar kanna oun hako tsiro. 11 Me kamau man hako tsireske pash toute te parkrell, hoy tou lauter mange kral. Miro Devel, me dikau ap toute glan i yaka tire menshendar, tou hal yaake lačo. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.