Debleskri gili 47 - O Debleskro Lab 2024 (Sinte-Manouche)O Devel hi o baro ray pral i tsele themma 1 I gili o rayeske pral i gipangre. Kay gili hi yekestar dran i familya Korah. 2 T'mer menshe dran i tsele themma, denn an i vasta! Sharenn o Debles oun denn leske barhteles gole! 3 O baro Devel hi o pralstouno, lestar darenna lauter. Yob hi o baro ray pral i tseli phoub. 4 Yob vitsras menge i menshen dran vavar themma tel mare pire, oun čivas men pral lende. 5 Yob rodas menge o them vin, oun das les mende, te djivas kote. Pral kova ham barhtelo, mer, i čave o Yakobestar, kolen yob boud kamell. 6 O Devel djal pre pash peskri rayeskri beshepaskri, oun i menshe denn barhteles gole oun phourdenn an i phourdepaskri, har o baro Devel pre djal. 7 Givenn o Debleske! Givenn oun sharenn les, givenn maro baro rayeske! Givenn! 8 O Devel hi o baro ray pral i tseli phoub. Givenn oun sharenn les i gilyentsa! 9 O Devel hi o baro ray pral i tsele themma. O Devel beshas pes ap peskri rayeskri beshepaskri, hoy leske kokres hi. 10 I raya pral i vavar themma van khetne oun hi kanna khetne o Debleskre menshentsa. Lengro Devel hi o Abrahameskro Devel. Leske hi kol tsele zorele ap i phoub koy. Yob hi pral hakeneste. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.