Debleskri gili 3 - O Debleskro Lab 2024 (Sinte-Manouche)Mo Devel, ab ap miri rig! 1 I gili o Davidestar, hoy lo kras an ko tsiro, har hounte nashas lo peske glan peskro čaveste, o Absalom. 2 Baro Devel, dik, har boud hi kolla, kay ap mande djan! Dik, har boud hadenn pen ap mande! 3 Boud penenn mandar: “O Devel hi gar ap leskri rig.” 4 Tou, baro Devel, rike tiro vast pral mande! Tou hal kova, kay miro shero pale hadell, te hounte ladjap man gar. 5 Dau me gole ap o baro Debleste, shounell lo man ap peskri berga, kay yob djivell. 6 Me čivom man tele oun sovom, oun djinom, har djangrom, o baro Devel das yak ap mande i tseli rat. 7 Me darau gar deesh-zerya lourdendar, kay djan ap mande hake rigyendar. 8 Ste pre, baro Devel, oun le man vin, mo Devel! Hakenes, kay ap mande djal, deh tou ap i čam. Ava, i čilačenge deh tou i danda paash. 9 Baro Devel, tou hal kova, kay lell man vin dran i bibarht. Te vell tiri barht ap tire menshende! |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.