Debleskri gili 26 - O Debleskro Lab 2024 (Sinte-Manouche)O mangepen yekestar, kay kek doosh ap leste hi 1 I gili o Davidestar. 1 I gili o Davidestar. Baro Devel, de man miro čačepen! Kek doosh hi ap mande. Oun me patsau tout, mo baro Debles, oun perom gar toutar tele. 2 Le man an i yak, baro Devel! Dik palla, hoy an miro dji hi, oun hoy mange an o shero trouyel djal! 3 Tiro lačepen hi glan mire yaka, oun me djivau miro djipen an tiro čačepen. 4 Me beshau gar khetne rhorhene menshentsa. Oun kolentsa, kay rakrenn douy čipyentsa, hom gar khetne. 5 Me kamau gar kote te djal, kay i čilače khetne venna, oun kolendar, kay midjak koova krenna, rikrau man pale. 6 Me thovau mire vasta, te sikrap, kay hi kek doosh ap mande, oun djau kote, kay venn firhe touke rhačedo, 7 oun parkrau man pash toute, oun rakrau pral ko tselo baro koova, hoy tou lauter kral. 8 Me kamau o kheer, kay tou djiveh, miro tselo djiyestar, oun koy platsa, kay tiro raylepen diklo vella. 9 Ma de man moulo khetne i čilačentsa! Le mange gar o djipen khetne kolentsa, kay ap rat vin djan, 10 kolengre vasta pherdo midjak koova hi, oun yon i lovenge rhorheno koova krenn. 11 Me djivau an kek čilačepen. Ab mange lačes oun le man vin dran o merepen! 12 Mire herya hi zoreles tardo oun perenn gar o čačo dromestar tele. Me kamau miro baro Debles te sharell, kote, kay leskre menshe khetne venna. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.