Debleskri gili 2 - O Debleskro Lab 2024 (Sinte-Manouche)O Debleskro čavo hi o baro ray 1 I menshe an i vavar themma hi divyo. Hoy kamenn le? Yon hadenn pen pral o baro Debleste! Hoske? Hoy le krenn, hi čičeske! 2 I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas. 3 “Mer kamah bouder gar te venn le ray pral mende”, penenn le. “Vitsras lengre shelle mendar, kolentsa yon men pandan!” 4 O Devel, kay an o bolepen beshdo hi, sal pral lende oun lengro dinelo rakepen. 5 Vell i dives, kay rakrell lo lentsa i rholyah. Ava, leskri rholyah krell lo lenge daar, te penell lo: 6 “Ap i berga Sion, kay mange hi, čivom me i baro rayes, koles me vi-rodom.” 7 Kava baro ray penell: “Moukenn man t'menge kova te penell, hoy o baro Devel kamell te krell. Yob penas ap mande: Miro čavo hal tou. Kava dives vom tiro dad. 8 Te mangeh mandar i tsele themma, dau me len toute. Ava, i tseli phoub dau me toute, te vell li tiro. 9 Ab ray pral lende i sasterno vasteha, tou phageh len nay har čare.” 10 Doleske avenn gar dinele, t'mer bare raya ap kay phoub! Shounenn mishto ap kova, hoy penau, t'mer, kay han čačepangre raya ap kay phoub! 11 Boudrenn o baro Debleske oun darenn lestar, perenn glan leste tele oun čoumrenn leskre pire! 12 Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.