Debleskri gili 16 - O Debleskro Lab 2024 (Sinte-Manouche)O Devel hi miro bravlepen oun miri barht 1 I gili o Davidestar. 1 I gili o Davidestar. Rike tiro vast pral mande, miro Devel! Me čivau miro tselo patsepen ap toute. 2 Me penom ap o baro Debleste: Tou hal miro ray. Hako lačo koova, hoy man hi, vell toutar. 3 I Debleskre menshe an o them hi raylo. Yon krenn miro dji barhteles. 4 Boud hi i douka kolendar, kay nashenn i vavar debleske palla. Me kamau kol rhorhene deblenge kek rat vin te čorell. Vitar gar kamau lengro lab an miro mouy te lell. 5 Tou, baro Devel, hal miro bravlepen, oun deh man lauter, hoy man hounte vell djipaske. Miro tselo djipen hi an tiro vast. 6 Kova, hoy yob mange vi-rodas, hi an i shoukar them. Ava, kova, hoy yob man dell, hi shoukar. 7 Me sharau o baro Debles, kay mange penell, hoy hounte krap. Ninna an i rat rakrell miro dji mantsa, te bistrap gar, hoy yob kamella. 8 Miro baro Devel hi man hako tsiro glan mire yaka. Yob te hi ap miri čači rig, nay hom me zoreles tardo. 9 Doleske hi miro dji barhtelo, oun halauter an mande stell i barhtyatar. Ava, me nay čivau man tele kek daryah. 10 Tou moukeh man gar an o merepen, oun kameh gar, te merell miro mass tele an i phoub. 11 Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.