Debleskri gili 149 - O Debleskro Lab 2024 (Sinte-Manouche)O Israel mou sharell o baro Debles 1 Sharedo vell o baro Devel! Givenn o baro Debleske i nevi gili! Sharenn les kote, kay leskre menshe khetne venna! 2 Tou Israel, tiro dji mou bashrell pral koleste, kay kras tout. T'mer menshe dran Sion, givenn i barhtyatar pral t'maro baro rayeste. 3 Sharenn leskro lab an t'maro khelepen! Bashrenn leske ap i pauka oun i harfa! 4 O baro Devel dikell lačes ap peskre menshende. Yob vell kolenge ap i rig, kay tele rikedo hi oun hadell len pre. 5 Kolla, kay leskre hi, mou givenn i barhtyatar! Ninna an i rati mou sharenn le les oun hadenn le les. 6 Lengre mouya denn bari gole, te sharenn le pengro Debles. An lengre vasta vell len i rharo, hoy ap douy rigya činella, 7 yaake te denn le i menshen an vavar themma pale, hoy kolla ap lende kran, oun anenn i phagi pral i natsyone. 8 Lengre bare rayen pandenn le an shelle, lengre pralstunen an sasterne shelle, 9 oun anenn o čačepen pral lende, har kova činlo hi an o Debleskro lab. Yaake vell o raylepen o Debleskre menshendar diklo. Sharedo vell o baro Devel! |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.