Debleskri gili 142 - O Debleskro Lab 2024 (Sinte-Manouche)Yek, kay kokres hi, rovell ap o Debleste 1 Givede laba o Davidestar. Har khatras yob pes an koy grotta, mangas yob o Debles kal labentsa. 2 Ap o baro Debleste dau bari gole. Ap o baro Debleste rovau! 3 Leske penau lauter, hoy ap miro dji hi, oun moukau les te djinell, hoy mange phares hi. 4 Har djinom bouder gar, hoy te krap, djinal tou, har mantsa doureder djal. Ap ko drom, hoy me hounte djom, čivan le dorya vin, te perap dren. 5 Dik tout trouyel: Kek kamell mandar čomone te djinell. Me nashte nashau gar mange. Kek poučell pal mande. 6 Baro Devel, ap toute dau me gole, oun penau touke: Pash toute nay khatrau man. Tou hal kova, hoy man an miro djipen hounte vell. 7 Shoun, har dau gole. Mange hi ropaske. Le man vin dran i vasta kolendar, kay man palla lenn! Yon hi zorleder har me. 8 Le miro djipen vin dran kava stilepen, te nay sharap tiro lab mank kolende, kay an o čačepen tardo hi, te kral tou mange lačepen. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.