Biblia Todo Logo
Bìoball air-loidhne

- Sanasan -

Debleskri gili 141 - O Debleskro Lab 2024 (Sinte-Manouche)


Baro Devel, rike man pash toute!
1 I gili o Davidestar.

1 I gili o Davidestar. Baro Devel, ap toute dau me gole. Ab sik pash mande! Shoun ap mande ap ko tsiro, kay ap toute gole dau!

2 Mouk miro mangepen touke yaake shoukar te vell, har rhačroms me touke soungepaskro koova. Dik ap mire pre-hadede vasta yaake har ap i firho, hoy moukoms touke rati te rhačrell.

3 Baro Devel, de yak ap miro mouy, de garda ap miri čip.

4 Mouk miro dji gar o čilačepen palla te dell, te krap gar midjak koova khetne i čilačentsa. Mouk man gar te rhap lengro shoukar rhapen!

5 Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

6 Ap ko dives, kay vell i phagi pral lengre pralstunende vi-rakedo, venn yon i barrengri berga tele vitsedo. Palle vell diklo, har čačo mire laba pral lende his.

7 Yaake har o harho i phoub pre phagell oun trouyel vitsrell, yaake hi lengre kokale trouyel čiddo. Oun o moulengro them krell peskro mouy lenge pre.

8 Ap toute, baro Devel, dikenn mire yaka. Pash toute kamau me man te khatrell. Mouk man gar te merell!

9 De yak ap mande, te perap gar an i dorya, hoy yon mange vi-čivan, ava, te perap gar kote dren, kay i čilače kamenn man te taprell.

10 Mouk len lauteren kokres te perell an pengri netsa, hoy yon mange vi-čivan, oun man mouk te nashap mange!

Tous droits réservés

Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.

Romanes-Arbeit Marburg e.V.
Lean sinn:



Sanasan