Debleskri gili 137 - O Debleskro Lab 2024 (Sinte-Manouche)I pandle Israelitarya givenn i ropaskri gili 1 Pash i panya an o foro Babilon hams beshdo oun rovan, har menge o Sion an o shero vas. 2 Mare harfe čivam kote ap kol rouka. 3 Kolla, kay men tapran, kaman, te givas lenge i gili: “Givenn menge i gili pral o Sion”, penan le. 4 Har nay givams o baro Debleske i gili an i vavar them? 5 Bistrau me tout, Yerusalem, mou merell tele miri čači moussi! 6 Miri čip te ačell pral an miro mouy, me te bistraus tout, Yerusalem, me te kamaus čomone boudeder har tout. 7 Baro Devel, ma biste gar, hoy i Edomarya kran, har yon ap ko dives gole dan an i Yerusalem: “Phagenn o foro tele! Phagenn les tele bis ap o telstouno bar!” 8 Tou, foro Babilon, tou, kay lauter an kotya deh! Barhteles vell kova, hoy touke pale della kova, hoy tou menge kral! 9 Barhteles vell kova, kay tire čave taprella oun len ap i bare barra moulo vitsrella! |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.