Debleskri gili 130 - O Debleskro Lab 2024 (Sinte-Manouche)O Devel hi kova, kay i doosh krik lella 1 I gili te givell ap o drom an Yerusalem. 1 I gili te givell ap o drom an Yerusalem. Dran o telstunepen miro djiyestar dau me gole ap toute, baro Debleste. 2 Miro ray, shoun man! Shoun, har ap toute rovau! 3 Te činals tou, baro Devel, mari doosh an i liil, koon nay ačals palle glan toute tardo? 4 Tou hal kova, kay i doosh krik lella. Doleske dikah pre ap toute oun shounah ap toute. 5 Ap toute, baro Devel, rikrau me, miro tselo djiyestar dikau ap toute, te rakress mantsa. 6 Miro dji dikell ap o Debleste, miro rayeste, te vell lo ap miri rig. Oun o tsiro vell mange rah, boudeder har kolenge, kay rati yak denn ap o foro oun kamenn, te vell sik o dives. Ava, boudeder har kolla! 7 Tou, Israel, dik ap o baro Debleste! Yob hi lačes menge, oun leskro dji hi hako tsiro pre, te lell lo men vin dran o čilačepen. 8 Ava, yob lell o kheer Israel vin dran leskri tseli doosh. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.