Debleskri gili 13 - O Debleskro Lab 2024 (Sinte-Manouche)Mo Devel, har rah bistreh tou man? 1 I gili o rayeske pral i gipangre. O David kras kay gili. 2 Baro Devel, har rah bistreh tou man? Kameh tou man hako tsiro te bistrell? 3 Har rah darap an miro dji? Har rah poučap man darenes hako dives: Har rah hadell pes kova pral mande, kay kamell mange čilačepen te krell? 4 Tou, mo Devel, dik ap mande oun shoun miro mangepen! Mouk man i momeli te dikell, te merap gar! 5 Kova, kay kamell mange čilačepen, nay sharals pes oun penals, te vals lo zorleder har me. Kolla, kay hadenn pen ap mande, vans barhtelo pral miro perepen. 6 Me dikau ap tiro lačepen, miro dji bashrell koy pral, kay tou man vin leh dran i čilače vasta. Me kamau te givap o baro Debleske, kay mange yaake lačes hi. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.