Debleskri gili 129 - O Debleskro Lab 2024 (Sinte-Manouche)

O Israeleskro pharo djipen

1 I gili te givell ap o drom an Yerusalem.

¹ I gili te givell ap o drom an Yerusalem. Boud kope kran le mange o djipen phares yaake rah har djivau, – kova hounte penell o kheer Israel –

² boud kope kran le mange o djipen phares. Moulo nay dan le man gar.

³ Miro doumo dan le pre, har i harho i phoub pre dell oun lengste činepangre krell.

⁴ An peskro čačepen das o baro Devel kol shelle paash, kolentsa i čilače man pandan.

⁵ Kolla, kay rhoyrenn pen ap o foro Yerusalem, kamoms, te tserdenn le pen pale oun hounte ladjenn pen!

⁶ Lenge te djal har o khass, hoy pral ap o kheer pre djal: Kova hi gomme gar baro, koy vell lo trouk.

⁷ Kek harho činell les tele, oun vitar kek pandell les khetne.

⁸ Oun kek, kay kote ap o drom djal, penell ap lende: “O baro Debleskri barht vell ap t'mende! Mer rakrah barht pral t'mende an o baro Debleskro lab.”