Debleskri gili 128 - O Debleskro Lab 2024 (Sinte-Manouche)I barhteli familya 1 I gili te givell ap o drom an Yerusalem. 1 I gili te givell ap o drom an Yerusalem. Barhtelo hi hakeno, kay djivell o baro Debleha, oun djal ap leskro drom. 2 Tou rhah kolestar, hoy tire vasta boudran. Mishto touke! Touke djal lačo. 3 Khere hi tiri romni. Oun yoy hi har i drakengro rouk, hoy boud drake hidjrella. Oun tire čave hi beshdo troul tiri rhapaskri har terne djeteskre rouka. 4 Savi barht hi ko morshes, kay djivell o baro Debleha. 5 O baro Devel dell tout barht kotar, kay lo khere hi, ap i berga Sion. Yaake rah har djiveh, dikeh koy barht, hoy vell dran o foro Yerusalem. 6 Oun ninna dikeh i čave tire čavendar. Barht te vell pral o Israel! |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.