Debleskri gili 122 - O Debleskro Lab 2024 (Sinte-Manouche)I Debleskri barht te vell pral Yerusalem 1 I gili o Davidestar te givell ap o drom an Yerusalem. 1 I gili o Davidestar te givell ap o drom an Yerusalem. Miro dji givas, har yon penan: Mer djah pash o baro Debleskro kheer. 2 Kanna hi mare herya tardo an o bare voudya o forestar Yerusalem. 3 Yerusalem hi i zorelo kerdo foro, kay i menshe khetne venna. 4 Kote djan boud menshe pre, kol tsele menshe, kay o baro Debles an-mangenn. Kote sharenn le les, yaake har yob lenge penas. 5 Kote hi beshdo ap pengre rayengre beshepangre kol bare raya, kay venna dran o kheer David, te rakrenn le o čačepen vin pral i menshende. 6 Mangenn o Deblestar i barht pral o foro Yerusalem oun penenn: “Kolenge, kay kamenn tout, Yerusalem, mou djal mishto! 7 Kek kourepen te vell an toute! An tire shoukar khera te vell bravlepen!” 8 Kamau, te djal mishto mire phralenge oun malenge. Doleske penau: “Mou vell kek kourepen an o foro!” 9 Kote hi maro baro Debleskro kheer tardo. Doleske mangau maro Debles, te djal lauter mishto i menshenge an Yerusalem. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.