Debleskri gili 12 - O Debleskro Lab 2024 (Sinte-Manouche)I ropen pral kova, hoy i čilače krenna 1 I gili o Davidestar te givess lat pash o bashepen ap i orhta-doryengri bashepaskri. 2 Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud. 3 Hakeno rhorhell o vavares. Yon rakrenn douy čipyentsa oun dran douy djia. 4 Baro Devel, kre, te rikrenn le pengre mouya, kolla, kay rakrenn douy čipyentsa! Pande kolenge o mouy, kay yaake bares rakrenna, 5 oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?” 6 “Kanna”, penell o baro Devel, “stau me pre. Ap i čorvelende djan le zoryah. Me shounom lengro ropen. Kanna rikrau mire vasta pral hakeneste, kay peskro tselo djiyeha kamell, te vap ap leskri rig.” 7 O baro Debleskre laba hi djoudjo har roup, thodo an i yagakro bob efta kope. 8 Tou, mo baro Devel, rikreh tiro lab, oun rikreh tiro vast pral mende hako tsiro, te nay krenn kol menshe menge kek čilačepen, 9 ninna te nashenn kolla trouyel, kay kamenn toutar či te djinell, oun o čilačepen bareder vell mank i menshende. |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.